"ލިވަޕޫލާއެކު ހެދި އެއްބަސްވުމަކީ ޓޫރިޒަމާއި އިގްތިސޯދަށް ކުރެވޭ އިންވެސްޓްމަންޓެއް"

ރައީސް ވިދާޅުވީ މި އެއްބަސްވުމުގެ ދަށުން ލިވަޕޫލް ފުޓުބޯޅަ އެކަޑަމީއެއް ވެސް ރާއްޖޭގައި ހެދުމުގެ ފުރުސަތު ފަހިވާނެ އެވެ.

އިނގިރޭސި ލީގުގެ އެންމެ މަޝްހޫރު އެއް ކްލަބް ކަމަށްވާ ލިވަޕޫލްއާއެކު ރާއްޖޭން ހެދި އެއްބަސްވުމަކީ ޓޫރިޒަމާއި ރާއްޖޭގެ އިގްތިސޯދަށް ކުރެވުނު މުހިންމު އިންވެސްޓްމަންޓެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ. 

ލިވަޕޫލްގެ ޑެސްޓިނޭޝަން ޕާޓްނަރެއްގެ ގޮތުގައި ރާއްޖެ ހަމަޖެހި ފުރަތަމަ ކުޅޭ މެޗު އޮންނަނީ މިރޭ ލިވަޕޫލްގެ ރަސްމީ ދަނޑު އެންފީލްޑްގަ އެވެ. މި މެޗުގައި ބައްދަލު ކުރަނީ ލިވަޕޫލް އާއި އެވަޓަން އެވެ.  ޓޫރިޒަމް ކެމްޕޭން ފެށުމުގެ ގޮތުން މިރޭ ރަސްމީކޮށް ލިވަޕޫލް އާއި އެވަޓަން އިން މިރޭ ކުޅޭ ފުޓުބޯޅަށް މެޗުގައި ޝަރަފުވެރި މެހުމާންއެއްގެ ގޮތުން ރައީސް ޑރ. މުހައްމަދު މުއިއްޒު ބައިވެރިވަޑައިގަންނަވާނެ އެވެ. ރައީސް ޑރ. މުއިއްޒު އެ މެޗު ޝަރަފުވެރިކޮށްދެއްވަނީ ލިވަޕޫލްގެ ވައިސް ޗެއާ / އަދި ސީއީއޯ ބިލީ ހޯގަންގެ ދައުވަތަކަށެވެ. އެންފީލްޑްގައި އޮންނަ މި ހަފުލާގައި ލިވަޕޫލް އެފްސީގެ އޯނަރުންނާއި ގިނަ އަދަދެއްގެ މަޝްހޫރު ތަރިން ވެސް ބައިވެރިވާނެ އެވެ. 

ރައީސް އޮފީހާއި ގައުމީ ޓީވީ ގުޅިގެން ގެންދޭ "ރައްޔިތުންގެ އަޑު" ޕޮޑްކާސްޓްގެ ދެވަނަ އެޑިޝަންގައި ވާހަކަ ދައްކަވަމުން ރައީސް ޑރ. މުއިއްޒު ވިދާޅުވީ މިކަން ކުރަން ބޭނުންވަނީ ރާއްޖެއަށް ބޮޑު އެކްސްޕޯޝާއެއް ލިބޭ ގޮތަކަށް ކަމަށާ މިއީ އިގްތިސޯދާއި ޓޫރިޒަމަށް ކުރެވޭނެ އިންވެސްޓްމަންޓެއް ކަމަށެެވެ. 

"ލިވަޕޫލް މެޗުގައި ފުރަތަމަ ހުންނަ ލެޑް ޕެނަލްތަކުން ރާއްޖެ [ރާއްޖޭގެ އިސްތިހާރު] ދައްކަން ފަށާނީ. މީގެ އިތުރުން ހުރިހާ ސޯޝަލް މީޑިއާތަކާއި މާޗެންޑަސްއެއްގައި ދައްކާނެ. އިތުރު ކަންކަންވެސް ހިމެނޭ. މި ދަތުރުގައި [ސްޕޯޓްސް މިނިސްޓަރު] ވެސް ބައިވެރިވަޑައިގަންނަވާނެ. ލިވަޕޫލްގެ ފުޓުބޯޅަ އެކެޑަމީއެއް ހެދުންވެސް މީ ހިމެނޭ. މި މަޝްވަރާތައް ކުރިއަށްދާނެ،" ފުރުމުގެ ކުރިން ވާހަކަ ދައްކަވަމުން ރައީސް ވިދާޅުވި އެވެ. 

ރައީސް ވިދާޅުވީ މި ދަތުރުފުޅުގައި ބްރެޑްއަށް ވެސް ވަޑައިގަންނަވާ ކަމަށާ މިއީ ފުޓުބޯޅައިގެ މުހިންމު މަޝްރޫއެއް ހިންގާތަނެއް ކަމަށެވެ. 

"މިފަދަ ދަތުރެއްގައި ދާނަމަ ދިވެހި ކިޔަވާ ކުދިންނާ ބައްދަލު ކުރަން، މިވަގުތު ވެސް 300 އަށްވުރެ ކުދިން އެބަތިބި، ސްޓޫޑަންސް އެސޯސިއޭޝަން ޔޫކޭ. މިއި އަޅުގަނޑާ ޕާސަނަލީ ގުޅުންހުރި ޖަމިއްޔާއެއް. އެކަމަކު މިދިޔަ ސަރުކާރުގެ ދުވަސްވަރު ވަޅުޖެހިފައި ވަނީ. އެ ކުދިން ތިބޭ ގެވެސް އަތުލާފައިވަނީ. އެކަމަކު އަނބުރާ އެ ގެ މިދެނީ. މިއީ ފައިދާތަކެއް ދަރިވަރުންނަށް ކުރާކަމެއް،" ރައީސް ވިދާޅުވި އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.