ލަންކާއިން މިޔަންމާއަށް އެއް މިލިއަން ޑޮލަރު ދޭތީ ފާޑު ކިއުން
ލަންކާ ވަނީ މިޔަންމާއަށް އިންސާނީ އެހީއެއްގެ ގޮތުން އެއް މިލިއަން ޑޮލަރުގެ އިތުރުން ސިއްހީ ފަރުވާދޭ ޓީމެއްވެސް ފޮނުވާށެވެ.
ބަނގުރޫޓުވެފައިވާ އަވަށްޓެރި ސްރީލަންކާއިން މިޔަންމާއަށް އެއް މިލިއަން ޑޮލަރުގެ އެހީއެއް ދެން ނިންމުމުން ފާޑު ކިއުން އަމާޒު ވެއްޖެ އެވެ.
މިދިޔަ ހަފުތާގައި މިޔަންމާއަށް އައި ބާރުގަދަ ބިން ހެލުމާ ގުޅިގެން އެހީއެއްގެ ގޮތުގައި ސްރީލަންކާ ސަރުކާރުން އެއް މިލިއަން ޑޮލަރު މިޔަންމާގެ އަސްކަރީ ސަރުކާރަށް ދޭން ނިންމިކަން އިއުލާނުކުރީ ލަންކާގެ ފޮރިން މިނިސްޓަރުގެ ނައިބު އަރޫން ހެމްޗަނަދްރާ މިޔަންމާގެ ޔޫނިއަން މިނިސްޓަރު ޔޫ ތަން ސްވޭއާ ބެންކޮކްގައި އިއްޔެ ބޭއްވި ބައްދަލުވުމެއްގަ އެވެ.
ލަންކާ ސަރުކާރުން ނިންމާފައިވަނީ މިޔަންމާގެ ބިންހެލުމުގެ ސަބަބުން މީހުން ހޯދުމުގައި އެހީތެރިވެ ދިނުމުމުގެ އިތުރުން އިންސާނީ އެހީގެ ގޮތުގައި އެއް މިލިއަން ޑޮލަރު ދިނުމަށެވެ. މީގެ އިތުރުން، ބިމުގައި ގެއްލުން ލިބޭ ފަރާތްތަކަށް އެހީތެރިވުމަށް މެޑިކަލް ޓީމްތައް ފޮނުވުމާއި ސިއްހީ ދާއިރާގެ އެހީތެރިކަން ފޯރުކޮށްދިނުމަށެވެ. ލަންކާ ސަރުކާރުގެ މި ނިންމުމާ ގުޅިގެން އިގްތިސޯދީ ގޮތުން އަނދަވަޅަކަށް ވެއްޓިފައިވާ ލަންކާގެ އިނދިކޮޅު ފަރާތްތަކުން ދަނީ ސަރުކާރަށް ފާޑު ކިޔަމުންނެވެ.
ކޮމެންޓް
Republic of Maldives