ގައުމީ ސަލާމަތާއި މިނިވަންކަމާ ގުޅޭ މަޝްރޫއުތަކަށް މަދުވެގެން 100 މިލިއަންގެ މިންގަނޑެއް ކަނޑައަޅައިފި

އެ ބަދަލު ގެންނެވުމުގެ ކުރިން، އެފަދަ މަޝްރޫއުތަކަށް އެންމެ މަދުވެގެން ހަރަދުކުރަންޖެހޭ މިންވަރު ކަމަށް ކުރިން ކަނޑައަޅައިފައިވަނީ 15 މިލިއަން ޑޮލަރެވެ.

ރައީސުލްޖުމްހޫރިއްޔާ ޑރ.މުހައްމަދު މުއިއްޒު، ފޮޓޯ: ރައީސް އޮފީސް

ރާއްޖޭގެ މިނިވަންކަމާއި ސިޔާދަތާއި އިސްތިގުލާލު ހިމާޔަތްކޮށް ރައްކާތެރި ކުރުމަށާއި، ގައުމުގެ ސުލްހަމަސަލަސްކަން ދެމެހެއްޓުމަށްޓަކައި ކުރިޔަށް ގެންދިޔުމަށް ރާވައިފައިވާ މަޝްރޫއުތަކަށް އެންމެ މަދުވެގެން ހަރަދުކުރަން ޖެހޭނެ މިންވަރު، 100 މިލިއަން ޑޮލަރަށް ބޮޑުކޮށްފި އެވެ.

ރައީސް އޮފީހުން ބުނީ، މި ބަދަލު ރައީސް ޑރ. މުހައްމަދު މުއިއްޒު ގެންނަވާފައިވަނީ، ދައުލަތުގެ އާންމު މަންފާއަކަށްޓަކައި ހިންގާނޭ މުހިންމު މަޝްރޫއުތައް ކަނޑައެޅުމުގެ ގަރާރު އަލުން އިސްލާހު ކުރެއްވުމަށްފަހު ކަމަށެވެ.

އެ ބަދަލު ގެންނެވުމުގެ ކުރިން، އެފަދަ މަޝްރޫއުތަކަށް އެންމެ މަދުވެގެން ހަރަދުކުރަންޖެހޭ މިންވަރު ކަމަށް ކުރިން ކަނޑައަޅައިފައިވަނީ 15 މިލިއަން ޑޮލަރެވެ.

އަލުން އެކަށައެޅުއްވި ގަރާރުގެ ޖަދުވަލުގައި، ސަރުކާރުން ކަނޑައަޅާފައިވާ މަޝްރޫޢުތަކާއި، އެ މަޝްރޫއުތައް ހިންގުމަށް ނިންމަވައިފައިވާ ސަރަހައްދު އަދި މަޝްރޫޢުތަކަށް އެންމެ މަދުވެގެން ހަރަދުކުރަންޖެހޭނެ މިންވަރު ވަނީ ބަޔާންކޮށްފަ އެވެ.

މިގޮތުން، އެއާޕޯޓު ތަރައްގީކުރަން ނިންމާފައިވާ ސަރަހައްދުތަކާއި، ރީހެބިލިޓޭޝަން ސެންޓަރުތަކާއި، ބިން ހިއްކުމާއި، ސޯޝަލް ހައުސިން އަދި ކޯޒްވޭތައް ފަދަ އުމްރާނީ ތަރައްގީގެ ގިނަ މަޝްރޫއުތައް ހިންގަން ނިންމާފައިވާ ސަރަހައްދުތަކާއި އެ މަޝްރޫއުތައް ހަރަދުކުރަންޖެހޭ އެންމެ މަދު މިންވަރު ވަނީ ހިމަނައިފަ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.