ދެބެއިންގެ ދެމެދު ހިނގި ހަމަނުޖެހުމެއްގައި ވަޅިން ހަމަލާދީ އެކަކު ޒަހަމްކޮށްލައިފި
މާރާމާރީގައި އަނިޔާވެފައި ވަނީ މާރާމާރީ ހިންގި ދެ މީހުންގެ ތެރެއިން ބޭބެއަށެވެ. ހަމަލާ ދިނީ މިފަދަ މައްސަލަތަކުގެ ކުށުގެ ރެކޯޑު އޮންނަ ކޮއްކޮ ކަމަށް މައުލޫމާތު ލިބެ އެވެ.
ރ. މަޑުއްވަރީގައި ދެބެއިންގެ މެދުގައި ހިނގި ހަމަނުޖެހުމެއްގައި އެކަކަށް ވަޅިން ހަމަލާދީ ޒަހަމްކޮށްލައިފި އެވެ.
މި މައްސަލައާ ގުޅިގެން ފުލުހުން މިއަދު ބުނީ މަޑުއްވަރީގައި ދެމީހެއްގެ ދެމެދުގައި ހިންގި މާރާމާރީއެއްގެ މައްސަލަ ރޭ 11:28 ހާއިރު ފުލުހަށް ރިޕޯޓްކޮށްފައިވާ ކަމަށެވެ.
މާރާމާރީގައި އަނިޔާވެފައި ވަނީ މާރާމާރީ ހިންގި ދެ މީހުންގެ ތެރެއިން ބޭބެއަށެވެ. ހަމަލާ ދިނީ މިފަދަ މައްސަލަތަކުގެ ކުށުގެ ރެކޯޑު އޮންނަ ކޮއްކޮ ކަމަށް މައުލޫމާތު ލިބެ އެވެ.
ފުލުހުން ބުނީ އަނިޔާވި މީހާއަށް މަޑުއްވަރީ ހެލްތު ސެންޓަރުގައި ފަރުވާދީފައިވާ ކަމަށެވެ. ފަހުން އޭނާ ވަނީ އެއަތޮޅު އުނގޫފާރު ހޮސްޕިޓަލަށް ގެންގޮސްފަ އެވެ.
މި މައްސަލައިގެ ތުހުމަތުގައި 35 އަހަރުގެ މީހަކު ރޭ ފުލުހުންގެ ބެލުމުގެ ދަށަށް ގެނެސްފައިވާ ކަމަށާއި އަދި މައްސަލަ ތަހުގީގު ކުރަމުންދާ ކަމަށް ވެސް ފުލުހުން ބުންޏެވެ.
ކޮމެންޓް
Republic of Maldives