ޖީ2000 އޮފީސް ވެއާގެ އެންމެ ބޮޑު ރޭންޖާއެކު ރެޑްވޭވުން ފިހާރައެއް

ޖީ2،000 އޮފީސް ވެއާގެ އެންމެ ބޮޑު ރޭންޖާއެކު ދުނިޔޭގެ މަޝްހޫރު އަންނައުނުގެ ގިނަ ބްރޭންޑްތައް ހިމެނޭހެން "ސެންޓްރަލް ބައި ރެޑްވޭވް" ހުޅުވައިފި އެވެ.

ރެޑްވޭވް އިން ކުރިން ފިހާރައެއް ހިންގި އިމާރާތުގައި މަޖީދީމަގުގައި ހުޅުވި މި ފިހާރަ ހާއްސަކޮށްފައިވަނީ ދުނިޔޭގެ މަޝްހޫރު އަންނައުނުގެ ބްރޭންޑް ތަކަށެވެ. މި ފިހާރާގައި އަންނައުނުގެ ގިނަ މަޝްހޫރު ބްރޭންޑްތައް ކަމަށްވާ ޖީ2،000 އާއި އެޗްއެންއެމް އަދި ޒާރާފަދަ ގިނަ ބްރޭންޑްތަކެއްގެ އަންނައުނު ލިބެން ހުރެ އެވެ. 

ރެޑްވޭވުން ވާހަކަ ދެއްކި އިސްވެރިއަކު ވިދާޅުވި ގޮތުގައި މިފަދަ ފިހާރައެއް ހުޅުވީ ކަސްޓަމަރުން އެ ފަދަ އަންނައުނުގެ ހައި އެންޑް ބްރޭންޑްތަކަށް ބޭނުންވާކަން އެނގިގެންނެވެ.

"އަންނައުނުގެ ވިޔަފާރީގައި މިހާތަނަށް ހޭދަކުރި ދުވަސްތަކުގައި އެނގިއްޖެ ދިވެހިން ބޭނުންވޭކަން ހައި އެންޑް ބްރޭންޑްތައް. އެހެންވެ އެ ފަދަ ބްރޭންޑްތަކާއެކު ހުޅުވީ،" އިސްވެރިޔާ ވިދާޅުވި އެވެ.

އޭނާ ވިދާޅުވި ގޮތުގައި މި ފިހާރާގައި އޮފީސް ވެއާގެ ރޭންޖްއަކީ ރާއްޖޭގެ އެންމެ ބޮޑު ފުޅާކޮށް ވިއްކާ ރޭންޖްއަަށްވާނެ އެވެ.

"އެންމެ ބްރޭންޑަކަށް ބަލާނަމަ ޖީ2،000 ގެ މިވަރުގެ ފުލް ރޭންޖެއް މިހާރު ރާއްޖެއަކުން ނުލިބޭނެ. ކަސްޓަމަރުންނަށް ޗޮއިސް އޮންނާނެ،" އިސްވެރިޔާ ވިދާޅުވި އެވެ.

މި ފިހާރައިގެ ހަތަރު ފްލޯ ހުރިއިރު ފުރަތަމަ ދެ ފްލޯ ހާއްސަަކޮށްފައިވަނީ ބްރޭންޑެއް މަތީ ފަންތީގެ އަންނައުނާއި ބޫޓު އަދި ދަމަސް ފަދަ ތަކެއްޗަށެވެ. އަދި އަނެއް ދެ ފްލޯގައި ހުންނަނީ އަންނައުނުގެ ރީޒަބަލް އަގުތަކެއްގައި ލިބޭ އަންނައުނާއި ފޮއްޗެވެ. 

ރެޑްވޭވުން މިހާތަނަށް ފުޅާކޮށް ވިއްކީ ކެއިން ބުއިމަށް ބޭނުންވާ ސާމާނެވެ. މީގެ އިތުރުން އިލެކްޓްރޯނިސް އާއި ހައުސް ހޯލްޑް އައިޑަމްސް ތަކެވެ.