ދެ ބިލިއަން ޑޮލަރުގެ ރިސޯޓް ވިއްކި ޖޭއެލްއެލް އާއި އަމިންގިރި ކުންފުނިން ޑީލްއަކަށް

ރާއްޖޭގެ ދެ ބިލިއަން ޑޮލަރުގެ ރިސޯޓް ވިއްކުމުގައި ފައިނޭންސަލް އެޑްވައިޒަރީން ދިން ސިންގަޕޫރުގެ ޖޭއެލްއެލް ކުންފުންޏާއި ރާއްޖޭގެ އަމީން ކޮންސްޓްރަކްޝްގެ އަމިންގިރި ރިސޯޓަށް ދަރަނި ރީފައިނޭންސް ވަސީލަތެއް ފަހިކުރަން "ޑީލް" އެއް ހަދައިފި އެވެ. 

ސިންގަޕޫރުގެ ރިއެލްއެސްޓޭޓް ކުންފުނި ޖޭއެލްއެލް އިން ބުނި ގޮތުގައި އެ ކުންފުނީގެ ތާރީހުގައި ފުރަތަމަ ފަހަރަށް ދަރަނި ފައިނޭންސް ކުރުމުގެ ޕްރޮގްރާމެއް ހިންގަން ހިލްޓަން ކުންފުނިން މެނޭޖުކޮށް ބަލަހައްޓާ އަމީންގިރި ރިސޯޓުގެ މައި ކުންފުނި އަމީންގިރީ ހޯލްޑިންގްސް ޕްރައިވެޓަށް ފައިނޭންސް ކޮށްދީފައިވާ ކަމަށެވެ

ރާއްޖޭގެ އެންމެ ބޮޑު އެއް ކޮންސްޓްރަކްޝަން ކުންފުނި ކަމަށްވާ އަމީން ކޮންސްޓްރަކްޝަން އިން މާލެ ކައިރީގައި ހިއްކައިގެން ތަރައްގީ ކުރި އަމިންގިރި ރިސޯޓަށް ހަމަޖައްސައިދިން މި ފައިނޭންސިން ވަސީލަތާ ބެހޭ ގޮތުން ޖޭއެލްއެލް ހޮޓެލް އެންޑް ހޮސްޕިޓާލިޓީ ގްރޫޕުގެ އޭޝިއާ ޕެސިފިކްގެ ސީއީއޯ ނިހާތު އެރްކާން ވިދާޅުވި ގޮތުގައި ރާއްޖޭގެ މަތީ ފަންތީގެ ގިނަ ރިސޯޓްތަކަށް މިހާރުވެސް ތަފާތު އުފެއްދުންތެރި ފައިނޭންސިން ވަސީލަތްތައް ފޯރުކޮށް ދެމުން ގެންދާ ކަމަށެވެ. މިގޮތުން އަމީންގިރި ކުންފުންޏާއެކު ހެދި "ޑެޑް ފައިނޭންސިން ޑީލް" އަކީ ދަރަނި ފައިނޭންސް ކުރަން އެ ކުންފުނިން ދިން ފުރަތަމަ މާލީ ވަސީލަތް ކަމަށެވެ. 

"އަޅުގަނޑުމެން ގަބޫލުކުރާ ގޮތުގައި އަޅުގަނޑުމެން [ޖޭއެލްއެލް] މެދުވެރިކޮށް ރީފައިނޭންސިން ޕްރޮގްރާމްތަކަށް ރާއްޖޭގައި ވަރަށް ބޮޑު ޝައުޤުވެރިކަމެއް އެބައޮތް،" ނިހާތު އެރްކާން ވިދާޅުވި އެވެ. 

ޖޭއެލްއެލްގެ އޭޝިއާ ޕެސިފިކް ހެޑް އޮފް ޑެޓް އެޑްވައިޒަރީ ޕޯލް ބްރިންޑްލީ ވިދާޅުވެފައިވާ ގޮތުގައި ރާއްޖޭގެ މި ސްކޭލްގެ ބޮޑެތި މުއާމަލާތެއް ހިންގުމަށް ލަފާދިނުމަކީ ރާއްޖޭގެ ޓޫރިޒަމް ސިނާއަތުގައި ޖޭއެލްއެލްގެ މުއާމަލާތްތައް ކުރިއަށް ގެންދިއުމުގައި އާ ގޮތްތަކަށް ވެގެންދާނެ އެވެ. މިއީ އުފެއްދުންތެރި ވަސީލަތްތައް ބޭނުންކޮށްގެން ފައިނޭންސިން ހޯދުމަށް އޮތް އާ ދޮރަކަށް ވެގެންދާނެ ކަމަށް ބްރިންޑްލީ ވިދާޅުވެފައިވެ އެވެ. 

ލޭއެލްއެލް އިން 2023 ވަނަ އަހަރު ނެރެފައިވާ މޯލްޑިވްސް އިންވެސްޓްމެންޓް ގައިޑްގައިވާ ގޮތުން މިސަރަހައްދުގެ އެންމެ މަތިން ރޭޓުކޮށްފައިވާ މާކެޓަކީ ރާއްޖެ އެވެ. އެ ކުންފުނިން ބުނެފައިވާ ގޮތުގައި 2019 ވަނަ އަހަރަށް ވުރެ ގާތްގަނޑަކަށް 10 ޕަސެންޓު 2023 ވަނަ އަހަރު މާކެޓު ވަނީ ފުޅާވެފަ އެވެ. އެ ކުންފުނިން 2012 ވަނަ އަހަރުން ފެށިގެން 15 ރިސޯޓެއް ވިއްކުމުގައި މެދުވެރިއެއްގެ ބައި އަދާކޮށްފައިވެ އެވެ. 

ހިލްޓަން މޯލްޑިވްސް އިން ހިންގާ އަމީންގިރީ ރިސޯޓް އެންޑް ސްޕާ ހުޅުވާފައިވަނީ ޖުލައި 2022 ގަ އެވެ. މި ރިސޯޓުގައި މޫދު ކޮޓަރި އާއި ބީޗް ބަންގަލޯތައް ހިމެނޭހެން 109 ވިލާ ހުރެ އެވެ.މި ރިސޯޓް ތަރައްގީކޮށްފައިވަނީ ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން ފުރައިގެން 20 މިނެޓުން ދެވޭ ރާސްތާގަ އެވެ.