ބޮޑު ލޯނުތަކެއް ދައްކަމުން އެސްޑީއެފް ޖަމާ އިތުރުކޮށްފި

ސަރުކާރުން ދެ ބިލިއަން ރުފިޔާގެ ލޯނު ވަނީ މިހާތަނަށް ދައްކާފަ އެވެ. ނަމަވެސް ފަހަރަށް ރައްކާކުރާ ފަންޑަށް 283.6 މިލިއަން ރުފިޔާ ޖަމާކޮށްފައިވެ އެވެ.

ފިނޭންސް މިނިސްޓަރު މޫސާ ޒަމީރު ރައްޔިތުންގެ މަޖިލީހުގައި

ވާރުތަވީ ބޮޑެތި ގިނަ ލޯނުތަކެއް ދެއްކި ނަމަވެސް މިއަހަރުގެ މިހާތަނަށް ފަހަށް ސޮވްރިން ޑިވްލޮޕްމަންޓް ފަންޑް (އެސްޑީއެފް) ގެ ޖަމާ އިތުރުކޮށްފައިވާ ކަމަށް ދައްކައިފި އެވެ. 

ފިނޭންސް މިނިސްޓްރީން އާއްމުކުރި އެންމެފަހުގެ ވީކްލީ ފިސްކަލް ޑިވްލޮޕްމަންޓް (ޑަބްލިއުއެފްޑީ) ރިޕޯޓް ދައްކާ ގޮތުގައި މިހާތަނަށް 2,399.5 ބިލިއަން ރުފިޔާ ވަނީ ލޯނުތަކަށް ދައްކާފަ އެވެ. - އެންމެފަހުން ދައްކާފައިވަނީ މިދިޔަ ސަރުކާރުން 12 ޕަސެންޓުގެ އިންޓެސްޓުގައި ތިން އަހަރުން ދައްކާ ހަލާސްކުރަން ނެގި 100 މިލިއަން ޑޮލަރުގެ ހަރަދު ބޮޑު ލޯނެކެވެ. 

ޑަބްލިއުއެފްޑީ ރިޕޯޓުން އެނގޭ ގޮތުގައި މި އަހަރުގެ މިހާތަނަށް ދެ ބިލިއަން ލޯނު ދެއްކިއިރު މިއީ ތާރީހުގައި ވެސް މިފަހުން މިވަރުގެ ލޯނެއް އަދާކުރި ފުރަތަމަ ފަހަރެވެ. މިދިޔަ އަހަރު ލޯނު ދައްކަން މި މުއްދަތުގައި ހަަރަދުކޮށްފައިވަނީ ވެސް 833.3 މިލިއަން ރުފިޔާ އެވެ. މި އަހަރު ލޯނު ދައްކަން 3.8 ބިލިއަންގެ ބަޖެޓެއް ކަނޑައަޅާފައިވެ އެވެ. 

ފިނޭންސުގެ މައުލޫމާތުތައް ދައްކާ ގޮތުގައި މި އަހަރުގެ މިހާތަނަށް އެސްޑީއެފް އަށް 283.6 މިލިއަން ރުފިޔާ ވަނީ ޖަމާކޮށްފަ އެވެ. މިދިޔަ އަހަރުގެ މި މުއްދަތުގައި އެސްޑީއެފްގެ ޖަމާހުރީ 215.7 މިލިއަން ރުފިޔާގަ އެވެ. އެސްޑީއެފްއަކީ ރާއްޖޭން ބޮޑެތި ލޯނުތަކެއް ނަގަމުންދާތީ ލޯނުތައް ދެއްކުމުގެ ބާރުވެރިކަން އިތުރު ކުރަން 2017 ވަނަ އަހަރު އޭރުގެ ސަރުކާރުން ތައާރަފުކުރި ފަންޑެކެވެ. މި ފަންޑަށް ޖަމާކުރާ ފައިސާ ސަރުކާރުން ބައެއް ކަންކަމުގައި އިންވެސްޓްކޮށް އިތުރު ކުރެ އެވެ. އަދި މި ފަންޑުގައި ވަކިން ޑޮލަރުން ޖަމާވާ ބައެއް ވެސް ހިމެނެ އެވެ. މިހާތަނަށް އެސްޑީއެފް ފަންޑުގައި މިހާތަނަށް 2 ބިލިއަން ރުފިޔާ، ގާތްގަނޑަކަށް 130 މިލިއަން ޑޮލަރު ހުރިކަމަށް ދައްކަ އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.