ރާއްޖޭން ނެދަލަންޑްސަށް ކަނޑައެޅި ނޮން-ރެޒިޑެންޓް ސަފީރު ފަތްކޮޅު އަރުވައިފި
ރާއްޖެއާއި ނެދެލަންޑްސް އާ ދެމެދު އޮތް ގުޅުމަށް 45 އަހަރު ވެފައިވާއިރު، ފަތުރުވެރިކަމަށާއި ތަރައްގީގެ މަޝްރޫއުތަކުގައި ނެދަލަންޑްސް އަކީ މުހިންމު ބައިވެރިއެކެވެ.
ދިވެހިރާއްޖޭން ނެދަލަންޑްސް އަށް ކަނޑައަޅުއްވާފައި ހުންނަވާ ނޮން-ރެސިޑެންޓް ސަފީރު ގީލާ އަލީ، ސަފީރުކަމުގެ ފަތްކޮޅު ނެދަލެންޑްސްގެ ރަސްގެފާނު ވިލްއެމް-އެލެގްޒެންޑާ އަށް އަރުވައިފި އެވެ.
ފޮރިން މިނިސްޓްރީން ބުނީ ފަތްކޮޅު އެރުވުމުގެ ރަސްމިއްޔާތު ބާއްވާފައިވަނީ ދަ ހޭގުގައި ހުންނަ 'ނޫރުދެއިންދް' ޕެލަސްގައި އިއްޔެ ހެނދުނު ކަމަށެވެ.
ފަތްކޮޅުއެރުވުމުގެ ރަސްމިއްޔާތަށްފަހު ބޭއްވި ބައްދަލުވުމުގައި، ސަފީރު ވަނީ ރައީސް ޑރ. މުހައްމަދު މުއިއްޒުގެ ފަރާތްޕުޅުން ނެދަލެންޑްސްގެ ރަސްގެފާނަށް ތަހުނިޔާ އާއި ހެޔޮއެދުން އަރިސްކުރައްވާފަ އެވެ. އަދި ރާއްޖެ އާއި ނެދަލެންޑްސް އާ ދެމެދު އޮތް ގާތް ގުޅުން އިތުރަށް ހަރުދަނާކުރުމަށް މަސައްކަތް ކުރަމުންގެންދާނެ ކަމުގެ ޔަގީންކަން ގީލާ އެރުވި އެވެ.
ރާއްޖެއާއި ނެދަލަންޑްސް އާ ދެމެދު އޮތް ގުޅުމަށް 45 އަހަރު ވެފައިވާއިރު، ފަތުރުވެރިކަމަށާއި ތަރައްގީގެ މަޝްރޫއުތަކުގައި ނެދަލަންޑްސް އަކީ މުހިންމު ބައިވެރިއެކެވެ.
ގީލާ އަކީ ރާއްޖޭން ބެލްޖިއަމް އަށާއި ޔޫރަޕިއަން ޔޫނިއަން (އީޔޫ)އަށް ކަނޑައަޅާފައި ހުންނަވާ ރެޒިޑެންޓް ސަފީރެވެ.
ކޮމެންޓް
Republic of Maldives