ރޯދައިގެ ފުރަތަމަ 20 ދުވަހު ޒަކާތުގެ ގޮތުގައި 7.6 މިލިއަން ރުފިޔާ ދައްކައިފި

ރޯދަ މަހުގެ ފުރަތަމަ 20 ދުވަހު ފިތުރު ޒަކާތުގެ ގޮތުގައި 7.6 މިލިއަން ރުފިޔާ ދައްކައިފި އެވެ.

އިސްލާމިކް މިނިސްޓްރީގެ ދަށުން ހިންގާ ޒަކާތު ހައުސް އިން އާންމުކޮށްފައިވާ ތަފާސްހިސާބުތަކުން ދައްކާ ގޮތުގައި، މިއީ ވޭތުވެ ދިޔަ ފަސް އަހަރު ފުރަތަމަ 20 ދުވަހު އެންމެ ގިނައިން ޒަކާތް ދެއްކި އަހަރެވެ.

ތަފާސްހިސާބުތަކުން ދައްކާ ގޮތުގައި ފުރަތަމަ 10 ގައި 2.9 މިލިއަން ރުފިފާ ވަނީ ޒަކާތުގެ ގޮތުގައި ދައްކާފަ އެވެ. އަދި މެދު 10 ގައި 4.7 މިލިއަން ރުފިޔާ ވަނީ ދައްކާފަ އެވެ.

ފަހު 10 ގައި ޒަކާތް ބަލައިގަންނަމުން ދަނީ މިމަހުގެ 30 ވަނަ ދުވަހުގެ ނިޔަލަށެވެ. އެގޮތުން ހުކުރު އަދި ހޮނިހިދު ދުވަސް ފިޔަވައި ކޮންމެ ދުވަހަކު 11:00 އިން 14:00 އަށް ކަނޑައަޅާފައިވާ މުއައްސަސާތައް މެދުވެރިކޮށް އޮންލައިންކޮށް ފިތުރު ޒަކާތް ދެއްކޭނެ އެވެ.

އެގޮތުން؛

ޒަކާތު ހައުސް އިން ބުނީ ރޯދަ މަހުގެ ފަހު 10ގައި ކައުންޓަރުން ޒަކާތް ބަލައިގަންނާނީ މިމަހުގެ 30 ވަނަ ދުވަހުގެ މެންދުރު 14:00ގެ ނިޔަލަށް ކަމަށެވެ.