އެމްޕީއެލްގެ އޮކްޝަން ޕޯޓަލްއިން ހިތަދޫ ޕޯޓުގެ ނީލަންތަކުގައި ބައިވެރިވެވޭނެ

މިއީ މާލޭ ވިޔަފާރި ބަނދަރަަަށް ގެނެސް، ގިނަ ދުވަސްވީ މުދާ ނީލަމުގައި ވިއްކަން ހެދި ޕޯޓަލް އެކެވެ. ނަމަވެސް އެމްޕީއެލްއިން ވަނީ މި ހިދުމަތް އިތުރަށް ފުޅާކޮށްފަ އެވެ.

ހިތަދޫ ޕޯޓް : އޮންލައިންކޮށް ނީލަމުގައި ބައިވެރިވެވޭނެ
02 Mar 2025, 22:08

މޯލްޑިވްސް ޕޯޓްސް ލިމިޓަޑް (އެމްޕީއެލް) ގެ އޯކްޝަން ޕޯޓަލްއިން ހިތަދު ޕޯޓުގެ ނީލަންތަކުގައި ބައިވެރިވެވޭނެ ހިދުމަތް ތައާރަފްކޮށްފި އެވެ.

އެމްޕީއެލްއި ން ބުނީ އޯޕަން ޕޯޓަލް އިން މިހާރު ހިތަދޫ ޕޯޓުން ހުޅުވާލާ ނީލަންތައް ފެންނާނެ ކަމަށާއި އަދި މިހާރު އޯކްޝަން ޕޯޓަލްގައި ރަޖިސްޓްރީކޮށްފައިވާ ފަރާތްތަކަށް، އިތުރު އެއްވެސް ފީއެއް އަދި ރަޖިސްޓްރޭޝަނަކާއި ނުލައި އެ ހިދުމަތް ލިބިގެންދާނެ ކަމަށެވެ. މީގެ އިތުރުން އެއް ވަގުތެއްގައި ތަފާތު ނީލަންތަކުގައި އެ ކަސްޓަމަރުންނަށް ބައިވެރިވެވޭނެ ކަމަށް ވެސް އެ ކުންފުނިން ބުނެފައިވެ އެވެ. 

އޯޕަން އޮކްޝަން ޕޯޓަލް - އެމްޕީއެލްގެ އޯކްޝަން ޕޯޓަލްއަކީ 2022 ވަނަ އަހަރު ތައާރަފްކުރި ހިދުމަތެކެވެ. މިއީ މާލޭ ވިޔަފާރި ބަނދަރަަަށް ގެނެސް، ގިން ދުވަސްވަންދެން ކްލިއަނުކޮށް ހުންނަ މުދާ ވިއްކާލަން ބާއްވާ ނީލަންތަކުގައި ވީހާ ވެސް ގިނަ ބަޔަކަށް ލުއި ފަސޭހަގޮތަކަށް ބައިވެރިވުމުގެ ފުރުސަތު ފަހިކޮށްދިނުމުގެ ގޮތުން ތައާރްފްކުރި ހިދުމަތެކެވެ. އޯކްޝަން ޕޯޓަލްގައި މީގެ ކުރިން ބައިވެރިވެވެނީ މާލޭ ވިޔަފާރި ބަނދަރުގެ ނީލަންތަކުގައި އެކަންޏެވެ. އެކަމަކު ހިތަދޫ ޕޯޓްގެ ނީލަންތައް އޯކްޝަން ޕޯޓަލްއަށް އިތުރުކުރުމުން، ރާއްޖޭގެ ކޮންމެ ތަނެއްގައި ހުރެގެން ވެސް ހިތަދޫ ޕޯޓްގެ ނީލަންތަކުގައި ބައިވެރިވެވޭނެއެވެ.

ހިތަދޫ ޕޯޓުގައި ހުންނަ މުދާތައް ގަތުމަށް ނީލާމުގައި އޮންލައިންކޮށް ބައިވެރިވެ ބިޑްކޮށް ފައިސާ އޮންލައިންކޮށް ދެއްކޭނެ އިންތިޒާމު ވަނީ ހަމަޖެހިފައިވެ އެވެ. މީގެ އިތުރުން ނީލަމުގައި ބައިވެރިވާ ފަރާތެއް އެފަރާތުން ގަންނަން ބޭނުންވާ މުދަލުގެ ހުރިހާ މައުލޫމާތެއް ޕޯޓަލް މެދުވެރިކޮށް ލިބޭނެއެވެ. ހިތަދޫ ޕޯޓަށް ގެންނަ މުދަލުގެ ތެރެއިން އާންމުގޮތެއްގައި ކްލިއާނުކޮށް ގިނަ ދުވަސްވެގެން ނީލަމުގައި ވިއްކާލަނީ މޮޓޯ ވެހިކަލްތަކެވެ.

އެމްޕީއެލް އިން ބުނީ ކުރިއަށް އޮތް ތަނުގައި ކުޅުދުއްފުށީ ޕޯޓުގެ ނީލަމުގެ ހިދުމަތް ވެސް އޮކްޝަން ޕޯޓަލް މެދުވެރިކޮށް ބައިވެރިވެވޭ ހިދުމަތް ތައާރަފް ކުރުމަކީ އެމްޕީއެލްގެ ވިސްނުމެއް ކަމަށް ވަނީ ވިދާޅުވެފައެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.