ހެންވޭރު ޓާމިނަލުން ލޯންޗުތަކުގެ ދަތުރު ފަށައިފި، ދުވާލަކު 2،000 މީހުންނަށް ދަތުރުކުރެވޭނެ
ފުރަތަމަ ހިދުމަތް ފަށަން އެދުނީ ހަތް ލޯންޗް އެކެވެ. އެމްޓީސީސީން ބުނީ އެއްފަހަރާ 15 ލޯންޗްއަށް ހިދުމަތް ދެވޭނެ އެވެ،
ގަދަ އަތްވާއި ވާރޭގެ ތެރޭގައި ދަތުރަށް އަރަމުން ދިޔަ ލޯންޗް ދަތުރުވެރިންނަށް ހެންވޭރު ފެރީ ޓާމިނަލް ހާއްސަކޮށް، މިއަދު ބޭނުން ކުރަން ފަށައިިފި އެވެ.
އެމްޓީސީސީ އިން ވަނީ ލޯންޗްތައް ދަތުރު ހެންވޭރު އެމްޓީސީސީ ޓާމިނަލުން ދަތުރު ފެށުން ފާހަގަ ކުރުމުގެ ގޮތުން ޓާމިނަލްގައި މިއަދު ރަސްމިއްޔާތެއް ބާއްވާފަ އެވެ.
އެމްޓީސީސީގެ ސީއީއޯ އަހްމަދު ސަޢުދީ ވިދާޅުވީ ހެންވޭރު ފެރީ ޓާމިނަލަކީ ހުޅުލެއަށާއި ކްރޮސްރޯޑަށް ދަތުރުކުރާ ފެރީތައް ވެސް ކައިރި ކުރާތަނެއް ނަމަވެސް އަތޮޅުތަކުގެ ލޯންޗްތަކުގެ ޝެޑިއުލުން ލިބުމުން އެ ވުގުތުތަކަށް އެ ތަނުން ފަސޭހައިން ހިދުމަތް ލިބޭނެ އެވެ.
މި ދަތުރުތައް ފެށުމާއެކު ލޯންޗްތަކުގެ ޝެޑިއުލަށް ބަދަލު ގެނެސް ހުޅުމާލެއަށް ދާން ބޭނުންވާ ފަރާތްތަކުން ހުޅުމާލެ ޓާމިނަލަށް ބޭލުމަށްފަހު އަންނަ ގޮތަށް ބަދަލު ވެގެންދާނެ ކަމަށް އުންމީދު ކުރައްވާ ކަމަށް އެމްޑީ ވިދާޅުވި އެވެ.
"ގަބޫލު ކުރަނީ ކުރިއަށްއޮތްތަނުގައި މިކަމުގެ ފައިދާ އޮޕަރެޓަރުންނަށް ލިބުނީމަ ޝެޑިއުލްތައް އެބޭފުޅުން ބަދަލުކުރުން އެކަށީގެންވޭ،" ސައުދީ ވިދާޅުވި އެވެ.
ހެންވޭރު އަދި ހުޅުމާލެ ފެރީ ޓާމިނަލް ބޭނުން ފުރުސަތު ހުޅުވާލުމުން ފުރަތަމަ ފުރުސަތުގެ ބޭނުން ހިފީ ހަތް ލޯންޗްއަކުންނެވެ. މި ލޯންޗްތައް ނިސްބަތް ވަނީ. އދ. ކ. އަދި ބ. އަތޮޅުގެ ބައެއް ރަށްތަކަށެވެ. އެ ކުންފުނިން އަންދާޒާ ކުރަނީ 15 ލޯންޗް ފެރީއަށް ޓަމިނަލް ހިދުމަތް ދެވޭއިރު ދުވާލަކ 2000 ފަސިންޖަރުން ހިދުމަތުގެ ބޭނުން ކުރާނެ އެވެ.
ކޮމެންޓް
Republic of Maldives