ސަލާމަތީ ބާރުތަކުގެ ވަރުގަދަ އޮޕަރޭޝަނެއް | ގެތަކެއް ފާސްކޮށް، 3 މީހުން ހައްޔަރުކޮށްފި
ރޭގެ ވަގުތެއްގައި ފުލުހުންނާއި ސިފައިން މާލޭގައި ފެށި ވަރުގަދަ އޮޕަރޭޝަނެއްގައި ގިނަ ގެތަކެއް ބަލައި ފާސްކޮށް، ތިން މީހަކު ހައްޔަރުކޮށްފައިވާ ކަމަށް ފުލުހުން ބުނެފި އެވެ.
ރޭގެ ވަގުތެއްގައި ފުލުހުންނާއި ސިފައިން މާލޭގައި ފެށި ވަރުގަދަ އޮޕަރޭޝަނެއްގައި ގިނަ ގެތަކެއް ބަލައި ފާސްކޮށް، ތިން މީހަކު ހައްޔަރުކޮށްފައިވާ ކަމަށް ފުލުހުން ބުނެފި އެވެ.
ފުލުހުން ބުނީ، އިންޓެލިޖެންސަށް ލިބުނު މައުލޫމަތަކާ ގުޅިގެން، ސިފައިންނާ ގުޅިގެން ހިންގާ އޮޕަރޭޝަންގައި މިހާތަނަށް ތިން މީހަކު ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.
އަދި އެ މީހުންނާ ގުޅުން ހުރި ތަންތަން ފާސްކުރަމުން އަންނަ ކަމަށް ފުލުހުން ބުންޏެވެ.
މާލޭގެ އިތުރުން ހުޅުމާލޭގެ އެޕާޓްމަންޓެއް ވެސް ފުލުހުން ވަނީ ބަލައި ފާސްކޮށްފަ އެވެ. އަދި ހައްޔަރުކުރި މީހުންނާ ގުޅުންހުރި ވެހިކަލްތަކެއް ވެސް ބަލައި ފާސްކޮށްފައިވާކަމުގެ މައުލޫމާތު ވަނީ ލިބިފަ އެވެ.
ރެއިން ފެށިގެން، ފަތިހާ ހަމައަށް ވެސް ފުލުހުންނާއި ސިފައިން ހަރަކާތްތެރިވަމުން ގޮސްފައިވާއިރު، އެ އޮޕަރޭޝަން ނިންމައިލި ކަމެއް ފުލުހުން ހާމަކޮށްފައެއް ނުވެ އެވެ.
މި އޮޕަރޭޝަނަކީ ގައުމީ ސަލާމަތާ ގުޅުންހުރި އޮޕަރޭޝަނެއް ކަމަށް ބުންޏަސް، އެކަމާ ގުޅޭ އިތުރު ތަފްސީލެއް ފުލުހުން އަދި ހާމަކޮށްފައެއް ނުވެ އެވެ.
ކޮމެންޓް
Republic of Maldives