ހުޅުމާލޭގައި އަލަށް ބަހައްޓާ ޖެނަރޭޓަރުތަކަށް ތެޔޮއަޅާ ތެޔޮ ޓޭންކްތައް ބަހައްޓަން އެމްޓީސީސީއަށް
މި މަސައްކަތުގެ ފަށުން ހުޅުމާލޭގެ ފުރަތަމަ ފިޔަވަހީގައި ގާއިމް ކުރާ ހުޅުމާލެ ޕަވާހައުސް އެންކްސް ދޭއް ގައި 80،000 ލީޓަރުގެ ދެ ތެޔޮ ޓޭންކް ބަހައްޓާނެ އެވެ.
ސްޓެލްކޯ އިން ހުޅުމާލޭގައި ބަހައްޓާ ޖަނަރޭޓަރުތަކަށް ތެޔޮ އަޅާނެ ޓޭންކްތައް ބަހައްޓަން އެމްޓީސީސީއާ ހަވާލުކޮށްފި އެވެ.
މި އެއްބަސްވުމުގައި އެމްޓީސީސީގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު ސައުދީ އެވެ، އަދި ސްޓެލްކޯގެ ފަރާތުން ސޮއިކުރެއްވީ މެނޭޖިން ޑިރެކްޓަރު ހުސެއިން ފަހުމީ އެވެ.
ސްޓެލްލޯ އިން ބުނި ގޮތުގައި މިއީ ޕީކް ސީޒަނަށް ތައްޔާރުވުމުގެ އިތުރުން ގްރޭޓާމާލޭ ޕަވާ ޖެނެރޭޝަން ބެކަޕްގެ ގޮތުގައި ހުޅުމާލޭގެ ފުރަތަމަ ފިޔަވަހީގައި ގާއިމް ކުރާ ހުޅުމާލެ ޕަވާހައުސް އެންކްސް ދޭއް ގައި 80،000 ލީޓަރުގެ ދެ ތެޔޮ ޓޭންކް ބެހެއްޓުމަށްޓަކައި އެމްޓީސީސީއާއެއެކު ވެވުނު އެއްބަސްވުމެވެ.
ސްޓެލްކޯއިން ދަނީ ހުޅުމާލޭގައި އިތުރު 12 ޖަނަރޭޓަރު ބެހެއްޓުމުގެ މަސައްކަތް ކުރަމުންނެވެ. މި ޖަނަރޭޓަރު ތަކުން 17 މެގަވޯޓުގެ ކަރަންޓު އުފެއްދޭނެ އެވެ. މި ތަކެތި ބަހައްޓަން ޖެހުނީ މިދިޔަ ފަސް އަހަރު މާލެ ސަރަހައްދުގައި ހިންގަން ޖެހޭ ކަރަންޓުގެ ބިޔަ މަޝްރޫއު ހިންގާފައިނުވާތީ އެވެ.
ކޮމެންޓް
Republic of Maldives