ލޯންޗް ދަތުރުވެރިންނަށް ރަނގަޅު ޓާމިނަލެއް ދޭން ދެ ސަރުކާރުގައި އެދުނިން، ނުވި

ކަރަމް ވިދާޅުވީ ލޯންޗް ދަތުރުވެރިންނަށް ފެރީ ޓާމިނަލް ހަމަޖައްސައިދޭން ގިނަ ވުޒާރާތަކާއެކު މަސައްކަތް ކުރިނަމަވެސް އެކަން ނުވި ކަމަށެެވެ.

ތޮއްޑޫ ކައުންސިލްގެ ރައީސް އަހުމަދު ކަރަމް: ތޮއްޑޫ ތަރައްގީ ކުރަން ފުޅާ ވިސްނުމުހެ ތަސައްވުރެއް ގެންގުޅުއްވާ -- މިރާ

ރަށްރަށުން އަންނަ ލޯންޗްތަކަށް ރަނގަޅު ޓާމިނަލެއް ހަމަޖައްސައިދޭން މިދިޔަ ދެ ސަރުކާރުން މަސައްކަތް ކުރިނަމަވެސް އެކަން ވެފައި ނެތްކަމަށް އެންމެ ފުޅާކޮށް ގެސްޓްހައުސް ހިންގާ ތޮއްޑޫ ކައުންސިލްގެ ރައީސް އަހުމަދު ކަރަމް ވިދާޅުވެއްޖެ އެވެ. 

މާލެއަށް ރަށްރަށުން އަންނަ ލޯންޗް ދަތުރުވެރިންނަށް ހެންވޭރު ފެރީ ޓާމިނަލް އާއި ހުޅުލެ ފެރީ ޓާމިނަލް ހަމަޖައްސަން ސަރުކާރުން ނިންމި ނިމުމާ ގުޅިގެން އެމްޑީޕީން ތޮއްޑޫ ކައުންސިލަށް ހޮވިވަަޑައިގެންފައިވާ ކަރަމް ވިދާޅުވީ ކުރީ ދެ ސަރުކާރުގައި މިކަން ކުރަން ގިނަ އިދާރާތަކާއެކު ވާހަކަ ދެކެވުނު ކަމަށާ އެކަމަކު ނުވި ކަމަށެވެ. އެކަމަކު މި ސަރުކާރުން މި ބަދަލު ގެންނަން ނިންމުމާ ގުޅިގެން ކަރަމްވަނީ ރައީސް ޑރ. މުއިއްޒުއަށް ޝުކުރު އަދާކުރައްވާފަ އެވެ. 

މިހާރު އުޅެން ޖެހޭ ހާލު - ލޯންޗްތަކުން އަންނަ މީހުން މިހާތަނަށް އަރައިފައިބަން ޖެހެނީ އެއް ލޯންޗުން އަނެއް ލޯންޗަށް އަރައިގެން ހާލުގަ އެވެ. އެމްއެމްއޭ ކުރިމަތިންނާއި ބީއެމްއެލް ކުރިމަތިން ފުރާ މި ލޯންޗް ދަތުރުވެރިން ތިބެން ޖެހެނީ ދަކަ އަވީގައި ވާރެ ވެހިއްޖެނަމަ ތެމިފޯވެގެންނެވެ. އެކަމަކު ސަރުކާރުން މި ފަހަރު ގެންނަ މި ބަދަލަކާއެކު ލޯންޗް ދަތުރުވެރިންނަށް ބޮޑު ލުޔެއް ލިބިގެންދާނެ އެވެ.

މި ބަދަލާ ބެހޭ ގޮތުން މާލެ ސަރަހައްދުގައި ދަތުރުފަތުގެ ހިދުމަތްދޭ އެމްޓީސީސީ އިން ބުނީރަށްރަށުން މާލެ އަށް ދަތުރުކުރާ ރައްޔިތުންނަށް ލުއިފަސޭހަ ގޮތްތަކެއް ހަމަޖެއްސުމުގެ ގޮތުން މާލެ އާއި އަތޮޅު ތަކާއި ދެމެދު ލޯންޗް ފެރީ އޮޕަރޭޓް ކުރާ ފަރާތްތަކުން ލަފާ ފުރުމަށްޓަކައި ހެންވޭރު ފެރީ ޓާމިނަލް އަދި ހުޅުމާލެ ފެރީ ޓާރމިނަލްގެ ބަނދަރު ބޭނުން ކުރުމަށް ހުޅުވާލުމަށް ގަސްތު ކުރާ ކަމަށެވެ. 

މި ބަދަލަކީ ރައީސް ޑރ. މުހައްމަދު މުއިއްޒުގެ އިރުޝާދަށް ގެންނަން ނިންމެވި ބަދަލެއް ކަމަށް އެ ކުންފުނިން ބުނެފައިވެ އެވެ. 

އެމްޓީސީސީ އިން ލޯންޗްތަކަށް މި ހިދުމަތް ދެނީ އެކަމަށް އުސޫލެއް ހަދައި ރަސްމީ ދަތުރުފަތުގެ ހިދުމަތެއްގެ ގޮތުގަ އެވެ. މި ސަރަހައްދުގެ ފަޅު ބޭނުންކުރުމަށް ޝައުގުވެރިވާ ފަރާތްތަކުން މި މަހުގެ 10 ވަނަ ދުވަހުގެ މެންދުރު 2:00 ގެ ކުރީން އެ ކުންފުނީގެ އީމެއިލް އެޑްރެސް tsd@mtcc.com.mv އަށް މެއިލްކޮށް ޝައުގުވެރިކަން ފާޅުކުރަން އެދިފައިވެ އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.