ހަރަދުތައް ހަމަޖައްސަން 1.2 ބިލިއަން ރުފިޔާގެ ޓީބިލް ބާޒާރަށް
މިފަހަރު ވިއްކާ ޓީބިލްގައި ހިމެނޭ އެންމެ ބޮޑު އަދަދަކީ 364 ދުވަހުން ދައްކާ ގޮތަށް ވިއްކާ 759 މިލިއަން ރުފިޔާގެ ޓީބިލް އެކެވެ. މި ޓީބިލްގެ އިންޓްރެސްޓް ރޭޓަކީ 4.60 ޕަސެންޓެވެ.
ސަރުކާރުގެ ހަރަދުތައް ހަމަޖައްސަން މިހާރު މައިގަނޑު ގޮތެއްގައި ފައިސާ ހޯދަނީ ޓެކްސް ފިޔަވައި އެތެރޭގައި ޓްރެޒަރީ ބިލް (ޓީބިލް) ވިއްކައިގެންނެވެ. މިވަނީ 1.2 ބިލިއަން ރުފިޔާގެ ޓީބިލް ވިއްކައިގެން އާމްދަނީ ހޯދަން ހުޅުވާލާފަ އެވެ.
ފިނޭންސް މިނިސްޓްރީން ސިލްސިލާކޮށް ހިންގާ ޓީބިލް ވިއްކުމުގެ ހަރަކާތުގެ ދަށުން ކޮންމެ ހަފުލާއަކުވެސް ޓީބިލް ވިއްކަ އެވެ. މި ހަފުތާގައި ވަނީ 1.2 ބިލިއަން ރުފިޔާގެ ޓީބިލް ވިއްކަން ހުޅުވާލާފަ އެވެ.
ވިއްކަން ހުޅުވާލި ޓީބިލްގެ އަދަދުތައް
- 28 ދުވަހުން ދައްކާ - 220 މިލިއަން ( 3.50 ޕަސެންޓް )
- 99 ދުވަހުން ދައްކާ - 115 މިލިއަން (3.87 ޕަސެންޓް )
- 182 ދުވަހުން ދައްކާ - 125 މިލިއަން (4.23 ޕަސެންޓް )
- 364 ދުވަހުން ދައްކާ - 759 (4.60 ޕަސެންޓް )
ސަރުކާރުން ވިއްކާ ޓީބިލް ގިނައިން ގަންނަނީ ރާއްޖޭގައި ހަރަކާތްތެރިވާ ވިޔަފާރި ބޭންކް ތަކެވެ. މިދިޔަ އަހަރުގެ ފެބްރުއަރީ މަހުގެ ނިޔަލަށް ޓީބިލާއި ޓްރެޒަރީ ބޮންޑުގެ އައުޓްސްޓޭޑިން 91,6 ބިލިއަން ރުފިޔާއަށް ވަނީ އަރާފަ އެވެ.
ކޮމެންޓް
Republic of Maldives