ފިލިޕީންސްގެ ނޮން-ރެޒިޑެންޓް ސަފީރަކަށް ޑރ. ޝަބީނާ އައްޔަނުކުރަން މަޖިލީހަށް

ފިލިޕީންސަށް ރާއްޖޭން ކަނޑައަޅާ ނޮން-ރެޒިޑެންޓް ސަފީރަކު ހަމަޖައްސަން، ރައްޔިތުންގެ މަޖިލީހުގެ ރުހުން ހޯދަން ފޮނުއްވައިފި އެވެ. 

ފިލިޕީންސަށް ރާއްޖޭން ކަނޑައަޅާ ނޮން-ރެޒިޑެންޓް ސަފީރަކަށް އައްޔަނުކުރަން ރައީސް ޑރ. މުހައްމަދު މުއިއްޒު ހުށަހަޅުއްވާފައިވާނީ، މެލޭޝިޔާއަށް ކަނޑައަޅާފައި ހުންނަވާ ސަފީރު، ޑރ. މަރިޔަމް ޝަބީނާ އަހުމަދު އެވެ. 

އެއާ އެކު، ފިލިޕީންސަށް ރާއްޖޭން ނޮން-ރެޒިޑެންޓް ސަފީރަކު އައްޔަނުކުރުމުގެ މައްސަލަ ދިރާސާކުރަން މަޖިލީހުގެ މިއަދުގެ ޖަލްސާގައި ރިޔާސަތުން ވަނީ ހާރިޖީ ގުޅުންތަކުގެ ކޮމިޓީއަށް ފޮނުއްވައިފަ އެވެ.