ކަނޑުމަތީގެ އިތުރު ހާދިސާއެއް: 38 މީހުންނާއެކު ދަތުރުކުރި ލޯންޗެއް ފަޅައިގެން ގޮސް ދިޔަވަނީ
މި ލޯންޗުގައި ޖުމްލަ 38 މީހުން އެބަ ތިއްބެވެ. އެއީ 34 ޓޫރިސްޓުންނާއި ހަތަރު ފަޅުވެރިންނެވެ.
ގިނަ އަދަދެއްގެ ފަސިންޖަރުންނާއެކު ދަތުރުކުރަމުންދިޔަ ލޯންޗެއް ފަޅައިގެން ގޮސް ދިޔަވަމުންދާތީ، އެމްއެންޑީއެފުން ހަރަކާތްތެރިވާން ފަށައިފި އެވެ.
އެމްއެންޑީއެފް އިން ބުނީ ދިޔަވަމުން ދަނީ ތިލަފުއްޓާ ދިމާ ބޭރުން ދަތުރުކުރަމުންދާ "ސުވެނިއާ 34" ނަމަކަށް ކިޔާ ލޯންޗު ކަމަށެވެ. އެހެންވެ، މާލެ އޭރިއާ، ކޯސްޓްގާޑް ސެކަންޑް ސްކޮޑްރަން އިން އެ އުޅަނދަށް ދަނީ އެހީތެރިކަން ފޯރުކޮށްދެމުންނެވެ.
މި ލޯންޗުގައި ޖުމްލަ 38 މީހުން އެބަ ތިއްބެވެ. އެއީ 34 ޓޫރިސްޓުންނާއި ހަތަރު ފަޅުވެރިންނެވެ.
މި ހާދިސާއާ ގުޅޭ އިތުރު މައުލޫމާތު ލިބޭ ވަރަކުން އަޕްޑޭޓް ކުރަމުންދާނެ ކަމަށް އެމްއެންޑީއެފުން ބުންޏެވެ.
މޫސުން ވަރަށް ގޯސްވެފައިވާއިރު، މިއަދު ހެނދުނު ވެސް ވަނީ ކަނޑުމަތީގެ ހާދިސާއެއް ހިނގާފަ އެވެ. އެގޮތުން އދ. ދިއްފުށިން މާލެއަށް ދަތުރުކުރަމުން ދިޔަ ލޯންޗެއް ދިޔަވެ 48 މީހުން ކަނޑުވެފައި ތިއްބައި ފުލުހުން ވަނީ އެމީހުން ސަލާމަތް ކޮށްފަ އެވެ. އެ ލޯންޗުގައި ހަތަރު ކުޑަކުދިން ވެސް ތިއްބެވެ.ް
ކޮމެންޓް
Republic of Maldives