ރޯދަ މަހުގެ ފުރަތަމަ ދުވަހުން ފެށިގެން ފިތުރު ޒަކާތް ދެއްކޭނެ

ޒަކާތު ހައުސްއިން މިއަދު ބުނީ ރޯދަ މަހުގެ ފުރަތަމަ ދުވަހުން ފެށިގެން 27 ވަނަ ދުވަހުގެ ހެނދުނު 6:00އާ ހަމައަށް ކަނޑައަޅާފައިވާ މުއައްސަސާތައް މެދުވެރިކޮށް އޮންލައިންކޮށް ފިތުރު ޒަކާތް ދެއްކޭނެ ކަމަށެވެ.

މީހަކު ޒަކާތް ދައްކަނީ

ރޯދަ މަހުގެ ފުރަތަމަ ދުވަހުން ފެށިގެން ފިތުރު ޒަކާތް ދެއްކޭނެ ކަމަށް ޒަކާތު ހައުސްއިން ބުނެފި އެވެ.

ޒަކާތު ހައުސްއިން މިއަދު ބުނީ ރޯދަ މަހުގެ ފުރަތަމަ ދުވަހުން ފެށިގެން 27 ވަނަ ދުވަހުގެ ހެނދުނު 6:00އާ ހަމައަށް ކަނޑައަޅާފައިވާ މުއައްސަސާތައް މެދުވެރިކޮށް އޮންލައިންކޮށް ފިތުރު ޒަކާތް ދެއްކޭނެ ކަމަށެވެ. 

އެގޮތުން؛

  •  ދިރާގު: ދިރާގު އެޕް/ދިރާގު ޕޭ ވެބް (އެސްއެމްއެސް މެދުވެރިކޮށް)
  •  އުރީދޫ: އެމް ފައިސާ އެޕް (އެސްއެމްއެސް މެދުވެރިކޮށް)
  •  އެމްއައިބީ: ފައިސާ މޯބައިލް އެކްސް އެޕް (ފައިސާ ނެޓް މެދުވެރިކޮށް)
  •  ބީއެމްއެލް: ބީއެމްއެލް މޯބައިލް އެޕް (ވެބްސައިޓް މެދުވެރިކޮށް)
  •  ފަހިޕޭ އެޕް (ވެބްސައިޓް މެދުވެރިކޮށް)
  •  ބަނޑޭރި ޕޭ (ޕޯޓަލް މެދުވެރިކޮށް)

ޒަކާތު ހައުސްއިން ބުނީ ބަނޑޭރިޕޭ މެދުވެރިކޮށް ރޯދަ މަހުގެ އެންމެ ފަހު ދުވަހާ ޖެހެންދެން ޒަކާތް ދެއްކޭނެ ކަމަށެވެ. 

އުމުރުން ދުވަސްވެފައިވާ ފަރާތްތަކާއި، އޮންލައިންކޮށް ޒަކާތް ދެއްކުމަށް އަހުލުވެރި ނޫން ފަރާތްތަކަށް ހާއްސަކޮށްގެން އިސްލާމީ މަރުކަޒުގެ ޖަލްސާ ކުރާ މާލަމުގައި ޒަކާތް ބަލައިގަތުމުގެ އިންތިޒާމްތައް ހަމަޖެހިފައިވާ ކަމަށް ވެސް އެ އިދާރާއިން ވަނީ ބުނެފަ އެވެ. 

އެގޮތުން، މާޗް މަހުގެ 02-20 އަށް ޒަކާތް ބަލައިގަންނާނީ ރަސްމީ ބަންދު ނޫން ކޮންމެ ދުވަހެއްގެ 9:30 އިން 13:00 އަށެވެ. މާޗް މަހުގެ 23-30 އަށް ޒަކާތް ބަލައިގަންނާނީ ހުކުރު އަދި ހޮނހިރު ފިޔަވައި ކޮންމެ ދުވަހެއްގެ 11:00 އިން 14:00 އަށެވެ.

ފިތުރު ޒަކާތުގެ ގޮތުގައި ދައްކަން ޖެހޭ ފައިސާގެ އަދަދު

  •  އާދައިގެ ހަނޑޫ - 12ރ.
  •  ތައިލެންޑް ހުދު ހަނޑޫ - 62ރ.
  •  ރަތް ހަނޑޫ - 86ރ.
  •  އާދައިގެ ބާސްމަތީ ހަނޑޫ - 74ރ.
  •  މޮޅު ބާސްމަތީ ހަނޑޫ - 100ރ.
  •  އެންމެ މޮޅު ބާސްމަތީ ހަނޑޫ - 133ރ.
  •  އާދައިގެ ފުށް - 10ރ.
  •  އާޓާ ފުށް - 75ރ.

ދިވެހި ކަލަންޑަރުގައިވާ ގޮތުން، މިއަހަރުގެ ރޯދަ މަހުގެ އެއްވަނަ ދުވަހަކީ އަންނަ މަހުގެ އެއްވަނަ ދުވަހެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.