އަޔާދީ ތަކާފުލްއަށް 11 އަހަރު | ހައްޖާއި އުމްރާވެރިންނަށް ހާއްސަ ހަދިޔާއަކާއެކު

އެލައިޑް އިންޝުއަރަންސް ކުންފުނީގެ އިސްލާމިކް ވިންޑޯ، އަޔާދީ ތަކާފުލްގެ 11 ވަނަ އަހަރީ ދުވަސް ފާހަގަކުރުމުގެ ގޮތުން އެކުންފުނީގެ އެންމެ މަޤުބޫލު އެއް ހިދުމަތް ކަމުގައިވާ "ޙައްޖު އަދި ޢުމްރާ ތަކާފުލް"ގެ އަގަށް ހެޔޮ ބަދަލުތަކެއް ގެނެސްފިއެވެ.

މި ޕްރޮމޯޝަންގައި 50% އަށް ވުރެ ބޮޑު ޑިސްކައުންޓަކާއި އެކު ގެނެސްފައިވާ މިބަލުގެ ދަށުން، މިހާރު ކޮންމެ ޙައްޖު އަދި ޢުމްރާވެރިއަކަށްވެސް 300 ރުފިޔާ އަށް މި ޕްލޭން ގަނެވޭނެ އެވެ.

ހައްޖާއި އުމްރާގެ އަޅުކަމުގެ ދަތުރުމަތީގައި ދިމާވެދާނެ ސިއްހީ އަދި މާލީ ގެއްލުން ލިބޭ ހާލަތްތައް ހިމަނައިގެން ތައްޔާރުކޮށްފައިވާ ހައްޖު ތަކާފުލް ކުރިން ފޯރުކޮށްދީފައިވާ އަގަކީ 750 ރުފިޔާ އެވެ. އަދި އުމްރާ ތަކާފުލް ކުރިން ފޯރުކޮށްދެމުންދިޔަ އަގަކީ 550 ރުފިޔާއެވެ. 

އަޔާދީ ތަކާފުލްއިން މަޢުލޫމާތު ދޭ ގޮތުގައި ވޭތުވެދިޔަ 11 އަހަރު ވެސް ކުންފުނީގެ މައިގަނޑު އަމާޒަކަށްވެފައިވަނީ ރައްޔިތުންނަށް އަތްފޯރާފަށުގައި ރައްކާތެރިކަން ކަށަވަރު ކުރެވޭނެ، އިސްލާމީ ޝަރީއަތާ ރައްޓެހި އިންޝުއަރަންސް ނިޒާމެއް ޤާއިމްކުރުމަށެވެ. އެގޮތުން، މިފަހަރު މިގެނެވުނު ބަދަލާއި އެކު ޙައްޖު އަދި ޢުމްރާއަށް ދާ ފަރާތްތަކަށް ޕްލޭން ނެގުމަށްޓަކައި ލުއި ފަސޭހަ އިންތިޒާމްތަކެއް ހަމަޖެހިފައިވާކަން އެކުންފުނިން ފާހަގަކުރެއެވެ. 

ބޭންކް އޮފް މޯލްޑިވްސް އިން ހައްޖާއި ޢުމްރާވެރިންނަށް ޑޮލަރު ދޫކުރަމުންދާ ސަލްމާން މިސްކިތުގެ 5ވަނަ ފަންގިފިލާއިން ހައްޖާއި އުމްރާއަށް ހާއްސަ ތަކާފުލް ޕްލޭންގެ މަޢުލޫމާތު ސާފުކޮށް، ނެގޭނެ އިންތިޒާމްވަނީ ހަމަޖެހިފައެވެ. މިޚިދުމަތް ލިބޭނެ ގަޑިތަކަކީ 27 ފެބްރުވަރީއާއި ހަމައަށް ހެނދުނު 9 އިން 2 އަށެވެ. އެ އަށްފަހު، 13 މާރިޗުގެ ނިޔަލަށް ޚިދުމަތަށް ހާއްސަކުރެވިފައިވާ ގަޑިއަކީ ހެނދުނު 9 އިން 11:30 އަށެވެ.

މީގެ އިތުރުން، ކުރިއެކޭވެސް އެއްގޮތަށް މައި އެލައިޑް ޕޯޓަލާއި އެލައިޑް އެޕް މެދުވެރިކޮށް ވަގުތުން މިޕްލޭން ބައްލަވައިގަނެވޭނެ ކަމުގައި އަޔާދީއިން މަޢުލޫމާތު ދެއެވެ.