މިއަހަރު ކޮންމެ އަތޮޅަކުން ދެ ރަށުގައި އީދު ލައިޓް ދިއްލަނީ

މިނިސްޓަރު ވިދާޅުވީ މިދިޔަ އަހަރު ބޮކިތައް ދިއްލުމުން އިތުރު ރަށްރަށުން ރިކުއެސްޓް ކުރަމުން ދިޔަ ކަމަށެވެ. އެހެންވެ، މިއަހަރު ކޮންމެ އަތޮޅެއްގެ ވެސް މީހުން ދިރިއުޅޭ އެންމެ ގިނަ ދެ ރަށުގައި މިކަން ކުރާނެ ކަމަށް ވިދާޅުވި އެވެ.

އީދު ފާހަގަ ކުރަން މާލޭގެ މަގެއް ކުލަބޮކިން ދިއްލާފައި -- ފޮޓޯ: ދަ މިރާ

މިއަހަރު ވެސް އީދުގައި ގިޑިގެތައް ބަހައްޓައި، ރަށްރަރުގައި ބޮކި ދިއްލުމަށް ސަރުކާރުން ތައްޔާރުވާން ފަށައިފި އެވެ.

މިދިޔަ އަހަރު ސަރުކާރުން ވަނީ ކޮންމެ އަތޮޅު ވެރިކަން ކުރާ ރަށެއްގައި އީދަށް ހާއްސަ ބޮކިތައް ދިއްލާފަ އެވެ. ލޯކަލް ގަވަމެންޓް މިނިސްޓަރު އާދަމް ޝަރީފް އުމަރު މިއަދު ވިދާޅުވީ މިއަހަރު ކޮންމެ އަތޮޅެއްގެ ދެ ރަށުގައި ބޮކިތައް ދިއްލުމުގެ ތައްޔާރީތައް ވަމުންދާ ކަމަށެވެ. އެއީ 36 ރަށެވެ.

މިނިސްޓަރު ވިދާޅުވީ މިދިޔަ އަހަރު ބޮކިތައް ދިއްލުމުން އިތުރު ރަށްރަށުން ރިކުއެސްޓް ކުރަމުން ދިޔަ ކަމަށެވެ. އެހެންވެ، މިއަހަރު ކޮންމެ އަތޮޅެއްގެ ވެސް މީހުން ދިރިއުޅޭ އެންމެ ގިނަ ދެ ރަށުގައި މިކަން ކުރާނެ ކަމަށް ވިދާޅުވި އެވެ.

މިނިސްޓަރު ވިދާޅުވީ ސްޓެލްކޯއާ ގުޅިގެން މި ލައިޓްތައް ރާއްޖެ ގެނައުމުގެ މަސައްކަތް ކުރައްވަމުން ގެންދަވާ ކަމަށެވެ. ލައިޓްތައް ދިއްލުމަށް ބޭނުންވާ ވަސީލަތްތައް ރަށްރަށަށް ފޮނުވާނެ ކަމަށް ވެސް ވިދާޅުވި އެވެ. ކުރިން ގެނައި ރަށްރަށަށް ލައިޓް ނުގެންނާނެ އެވެ. މިކަމަށް ޖުމްލަ 28 މިލިއަން ރުފިޔާ ހަރަދުވާނެ ކަމަށް ވެސް ވިދާޅުވި އެވެ.

މިކަމަށް ކުރާ ހަރަދާ ގުޅޭ ގޮތުން ވާހަކަ ދައްކަވަމުން މިނިސްޓަރު ވިދާޅުވީ މި ލައިޓްތަކަކީ ހަމައެކަނި އީދުގައި ދިއްލަން ގެންނަ ލައިޓްތަކެއް ނޫން ކަމަށެވެ. ލައިޓްތަކުގެ އެކި ބައިތައް އިޖުތިމާއީ އެހެން ހަރަކާތްތަކުގައި ވެސް ބޭނުން ކުރެވޭނެ ކަމަށް ވެސް ވިދާޅުވި އެވެ.

"އީދު ލައިޓް ފާހަގަކުރެވިގެންދާއިރު ވަރަށް ބޮޑަށް އިސްލާމީ ޝިއާރު ފާޅުކުރުމާ، މިކަންކަމުން އަޅުގަނޑުމެންނަށް ވަރަށް ބޮޑަށް އިސްލާމީ ވަހުދަތު ރައްކާތެރިކުރެއްވުމަށް ރައީސުލްޖުމްހޫރިއްޔާ ދެއްވާ އިސްކަމާ އަހައްމިއްޔަތުކަން އަދި ދިވެހިންގެ ތެރޭގައި އެ ލޯތްބާ އިހުތިރާމް އޮތްވަރު އަޅުގަނޑުމެންނަށް ވަރަށް ބޮޑަށް ފާހަގަކުރެވިގެންދާ ކަމެއް އެކަމަކީ،" މިނިސްޓަރު ވިދާޅުވި އެވެ.

އެހެންކަމުން، މިއީ ކުރަން ވަރަށް ރަގަޅު ކަމެއްގެ ގޮތުގައި މިނިސްޓަރު ފާހަގަކުރެއްވި އެވެ. އޭނާ ފާހަގަކުރެއްވި ގޮތުގައި ދިވެހިންނަކީ ޒީނަތްތެރިކަމާއި ރީތި ކަމަށް ވަރަށް ބޮޑަށް ލޯބި ކުރާ ބައެއް ކަމަށާއި، މިއީ ރައްޔިތުންނަށް ވަރަށް ބޮޑު ހިތްހަމަޖެހުމެއް ލިބިގެން ދިޔަ ކަމެއްކަން ވެސް ފާހަގަކުރެއްވި އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.