ގާނޫނުއަސާސީ އިސްލާހުކުރެވޭނީ މަޖިލީހަށް، ބަދަލުކުރެވޭނީ ރައްޔިތުންނަށް: ނަޝީދު

އެ ބަހުސްގެ ތެރެއިން ނަޝީދު އިއްޔެ އެކްސްގައި ކުރެއްވި ޕޯސްޓެއްގައި ވިދާޅުވީ، ގާނޫނުއަސާސީ އިސްލާހު ކުރުމުގެ ބާރު އޮތީ މަޖިލީހަށް ކަމަށް ގަބޫލުކުރައްވާ ކަމަށެވެ.

ރައީސް ނަޝީދު ވޯޓް ލައްވަނީ -- ފޮޓޯ: ޔާމިން މުހައްމަދު / މިރާ

ގާނޫނުއަސާސީ އިސްލާހު ކުރުމުގެ ބާރު އޮންނާނީ ރައްޔިތުންގެ މަޖިލީހަށް ކަމަށާއި، ނަމަވެސް ގާނޫނުއަސާސީއަށް ބަދަލެއް ގެނެވޭނީ ރައްޔިތުންގެ މެދުގައި ފެންނަ ނުފެންނަ ވޯޓެއް ނަގައިގެން ކަމަށް، ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ. 

ނަޝީދު މިހެން ވިދާޅުވެފައިވަނީ، މަޖިލީހަށް އިންތިހާބުވާ ސިޔާސީ ޕާޓީއަކުން ވަކިވެއްޖެނަމަ ނުވަތަ ޕާޓީން ވަކިކޮށްފިނަމަ، މަޖިލީހުގެ މެމްބަރުކަން ގެއްލޭ ގޮތަށް މިދިޔަ އަހަރު ސަރުކާރު ހިންގާ ޕީއެންސީން އިސްވެ ގާނޫނުއަސާސީއަށް ގެނައި އިސްލާހު ބާތިލުކުރަން، ސުޕްރީމް ކޯޓަށް ހުށަހަޅާފައިވާ ދުސްތޫރީ މައްސަލައާ މެދު ގާނޫނީ ބޮޑު ބަހުސެއް އުފެދިފައިވާ ދަނޑިވަޅެއްގަ އެވެ. 

އެ މައްސަލާގައި ބަންޑާރަނައިބުގެ އޮފީހުން ގަބޫލުކުރާ ގޮތުގައި، ދުސްތޫރީ މައްސަލައެއްގެ ގޮތުގައި ސުޕްރީމް ކޯޓަށް ވެސް ބެލޭނީ ގާނޫނުއަސާސީ މާނަކުރުމާއި ގާނޫނުއަސާސީގައި ލިޔެފައި އޮތް އެއްޗަކާ ހިލާފުވެގެން ހުށަހެޅޭ މައްސަލަތައް އެކަންޏެވެ.

ނަމަވެސް، އެ މައްސަލަ ހުށަހެޅި މަޖިލީހުގެ ކެންދޫ ދާއިރާގެ ކުރީގެ މެމްބަރު އަލީ ހުސެއިން ފާހަގަކުރައްވާ ނުކުތާއާ އެއްގޮތަށް އެ މައްސަލަ ކުރިއަށް ގެންދަން ސުޕްރީމް ކޯޓުން ވަނީ ނިންމައިފަ އެވެ. 

އެ ބަހުސްގެ ތެރެއިން ނަޝީދު އިއްޔެ އެކްސްގައި ކުރެއްވި ޕޯސްޓެއްގައި ވިދާޅުވީ، ގާނޫނުއަސާސީ އިސްލާހު ކުރުމުގެ ބާރު އޮތީ މަޖިލީހަށް ކަމަށް ގަބޫލުކުރައްވާ ކަމަށެވެ. 

ނަމަވެސް، ގާނޫނުއަސާސީއަށް ބަދަލެއް ގެންނަ ނަމަ، ރައްޔިތުންގެ ފެންނަ ނުފެންނަ ވޯޓަކަށް އަހަންޖެހޭނެ ކަމަށް ވެސް ނަޝީދު ވިދާޅުވި އެވެ. 

"...ގާނޫނުއަސާސީ ބަދަލުކުރުމުގެ ބާރު އޮންނާނީ ސީދާ ރައްޔިތުންނަށް،" ނަޝީދު ވިދާޅުވި އެވެ.

ނަޝީދު ސީދާ ވިދާޅުވި ނުވިޔަސް، ގާނޫނު އަސާސީއަށް ގެންނަ އިސްލާހަކާއި ބަދަލެއްގައި ވެސް ސުޕްރީމް ކޯޓަށް ބަސްނުކިޔޭނެ ކަން އެ މަނިކުފާނުގެ ޕޯސްޓުން ދޭހަވެ އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.