ލަންކާގައި ވަކީލަކަށް ވެގެން ކޯޓަށް ވަދެ ގޭންގް ލީޑަރު މަރާލައިފި
ގިނަ ކުއްތަކެއް ކޮށްފައިވާ ކަމަށް ތުހުމަތު ކުރެވޭ ކުއްވެރިޔާ މަރާލީ މީހާ ކޯޓް ރޫމަށް ވަނީ ވަކީލެއްގެ ހެދުމުގަ އެވެ. ފިސްތޯލައަކުން ހަމަލާ ދީފައިވަނީ މަރާލީ މީހާގެ ބޮލަށެވެ.
އަވަށްޓެރި ސްރީލަންކާގެ ކޯޓަކަށް ވަކީލެއްގެ ހެދުން އަޅައިގެން ވަދެ، ގޭންގް ލީޑަރަކަށް ހަމަލާދީ މަރާލައިފި އެވެ.
ސްރީލަންކާގެ ނޫސްތަކުގައިވާ ގޮތުން ލަންކާ އިން ހޯދަމުން ދިޔަ މި ކުށްވެރިޔާ ހައްޔަރުކޮށްފައިވަނީ 2023 ވަނަ އަހަރު އެވެ. ގަނޭމުއްލާ އަށް ހަމަލާ ދީފައިވަނީ މިއަދު ކޮލަމްބޯގެ ކޯޓަށް ހާޒިރުކޮށް މައްސަލަ ކޯޓުގައި ކުރިއަށް ދަނިކޮށެވެ. ހަމަލާ ދީފައިވަނީ ލޯޔަރެއްގެ ހެދުމުގައި ކޯޓަށް ގޮސްހުރި މީހެކެވެ.
ލަންކާ ފުލުހުން ހަމަލާދިން މީހާގެ ފޮޓޯ ހާމަކޮށްފައިވާއިރު، ހަމަލާދިން ވަގުތުގެ ވީޑިއޯއެއް ވެސް ދަނީ ވައިރަލްވަމުންނެވެ.
މަންޒަރު ދުށް މީހުންނާ ހަވާލާދީ ލަންކާގެ ނޫސްތަކުގައިވާ ގޮތުން ގަނޭމުއްލާ އަށް ހަމަލާދީފައިވަނީ މައްސަލަ ފެށިތާ ކުޑައިރުކޮޅެއް ފަހުންނެވެ. ހަމަލާދިން މީހާ ވަނީ ފިސްތޯލައަކުން ހަމަލާ ގަނޭމުއްލާގެ ބޮލަށް ހަމަލާ ދީފަ އެވެ.
ލަންކާ ފުލުހުންގެ ތަރުޖަމާނު އެސްއެސްޕީ ބުޑިކާ މަނަތުންގާ ވިދާޅުވީ ވަކީލެއްގެ ހެދުން އަޅައިގެން ހުރި ބަޑިޖެހި މީހަކު ޗެމްބަރުގައި ހުރި ސަންޖީވާ އަށް އަމާޒުކޮށްގެން ހަމަލާ ދީފައިވެ އެވެ. އޭނާއަށް ލިބުނު ޒަހަމްތަކަށް ހޮސްޕިޓަލަށް ގެންދިޔަނަމަވެސް ލިބިފައިވާ ޒަހަމްތަކުގެ ސަބަބުން އޭނާ ވަނީ މަރުވެފަ އެވެ.
ގަނޭމުއްލާ ސަންޖީވީ ހައްޔަރުކޮށްފައިވަނީ ސެޕްޓެމްބަރު 13، 2023 ގައި ނޭޕާލުން އެނބުރި އައުމާއެކު ބަންޑާރަނައިކޭ އިންޓަނޭޝަނަލް އެއާޕޯޓް (ބީއައިއޭ) އިންނެ އެވެ. ހައްޔަރުކުރިއިރު އޭނާގެ އަތުގައި އޮތީ ޖޯޗް ޕާސްޕޯޓެކެވެ.
ކޮމެންޓް
Republic of Maldives