އިސްލާހީ ފިޔަވަޅެއް | ޕާފޯމަންސް ބެލުމަށްފަހު މިފްކޯގެ ތިން ވެރިއަކު ވަކިކޮށްފި

ސައިޒަށް ވުރެ މުވައްޒަފުން ގިނަވެ ސިޔާސީ އައްޑާއެއްގެ ގޮތުގައި އަބަދު ވެސް އޮންނަ ކުންފުނީގެ އެފިޝަންސީ އެކްސަސައިޒް ގެނައުމުގެ މަސައްކަތް ފެށީ މިދިޔަ އަހަރު އެވެ.

މިފްކޯގެ ހިންގުން ހަރުދަނާކޮށް އިސްލާހު ކުރަން އަޅާ ފިޔަވަޅެއްގެ ގޮތުން މިފްކޯގެ މެނޭޖުމެންޓުން ހެދި ޕާފޯމަންސް ރިވިއުއަށްފަހު ތިން ޖެނެރަލް މެނޭޖަރުން ވަޒީފާއިން ވަކިކޮށްފި އެވެ. 

އެ ކުންފުނިން މިއަދު ނެރުނު ކުރު ބަޔާނެއްގައި ބުނީ ރައީސުލްޖުމްހޫރިއްޔާގެ ރިފޯމް އެޖެންޑާގެ ދަށުން ކުންފުނީގެ ހިންގުން މިހާރަށްވުރެ ވެސް ބޮޑަށް ހަރުދަނާ ކުރުމަށް މިހާރު ކުރިޔަށްގެންދާ އިސްލާހީ އެޖެންޑާގެ ދަށުން މެނޭޖުމެންޓު ޕާފޯމަންސް ރިވިއުކޮށް ގެންނަން ޖެހޭ ވަގުތީ އަދި ދާއިމީ މުހިންމު ބަދަލުތައް މިހާރު ގެންނަމުންދާ ކަމަށެވެ. މި އެޖެންޑާގެ މަގްސަދަކީ ޒިންމާދާރުކަން ކަށަވަރުކުރުމާއި ހިންގުން ހަރުދަނާކުރުން ކަމަށް އެ ކުންފުނިން ބުނެފައިވެ އެވެ.

މިރާއަށް އެނގިފައިވާ ގޮތުގައި މިފްކޯގައި މަސައްކަތް ކުރާ ބައެއް މުވައްޒަފުންނަކީ ހަމައެކަނި ސޮއިކޮށްލަން ޖެހޭ މީހުންނެވެ. އަދި ވަޒީފާގެ މަސައްކަތުން ބޭރުން ކޮފީގައި އުޅުމަކީ މި ކުންފުނީގެ އެތެރޭގައި އަށަގެންގައިވާ އާދައެކެވެ. 

ކުންފުނީގެ ސައިޒަށް ވުރެ މުވައްޒަފުން ގިނަވެ ސިޔާސީ އައްޑާއެއްގެ ގޮތުގައި އަބަދު ވެސް އޮންނަ ކުންފުނީގެ އެފިޝަންސީ އެކްސަސައިޒް ގެނައުމުގެ މަސައްކަތް ފެށީ މިދިޔަ އަހަރު އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.