އޭސީސީގެ ނައިބަކަށް އަހުމަދު ނާޝިދުގެ ބަދަލުގައި އަބްދުﷲ ނާޝިދު

ރައީސް މިއަދު ވަނީ އެ ނިންމެވުން ބަދަލުކުރައްވައި، އަހުމަދު ނާޝިދުގެ ބަދަލުގައި އޭސީސީގެ މެމްބަރު އަބްދުﷲ ނާޝިދު އައްޔަނުކުރައްވަން، މަޖިލީހުގެ ރުހުން ހޯދުމަށް އަލުން ފޮނުއްވައިފަ އެވެ.

އެންޓި ކޮރަޕްޝަން ކޮމިޝަން (އޭސީސީ)ގެ ނައިބު ރައީސްކަމުގެ މަގާމަށް، އެ ކޮމިޝަންގެ މެމްބަރަކަށް މި ފަހުން އައްޔަނުކުރެއްވި އަހުމަދު ނާޝިދު އައްޔަނުކުރައްވަން ފޮނުއްވުމުގެ އެއް ދުވަސް ފަހުން، އެ ނިންމުން ބަދަލުކުރައްވައި، އެ މަގާމަށް އަބްދުﷲ ނާޝިދު އައްޔަނުކުރަން ރައްޔިތުންގެ މަޖިލީހަށް ހުށަހަޅުއްވައިފި އެވެ. 

އޭސީސީގެ ނައިބަކަށް އަހުމަދު ނަޝީދު އައްޔަނުކުރަން މަޖިލީހުގެ ރުހުން ހޯއްދެވުމަށް ރައީސް ޑރ. މުހައްމަދު މުއިއްޒު ފޮނުއްވީ އިއްޔެ އެވެ. އެކަން ދިރާސާކުރަން މަޖިލީހުގެ ރިޔާސަތުން ވަނީ މިނިވަން މުއައްސަސާތަކުގެ ކޮމިޓީއަށް ފޮނުއްވައިފަ އެވެ. 

ނަމަވެސް، ރައީސް މިއަދު ވަނީ އެ ނިންމެވުން ބަދަލުކުރައްވައި، އަހުމަދު ނާޝިދުގެ ބަދަލުގައި އޭސީސީގެ މެމްބަރު އަބްދުﷲ ނާޝިދު އައްޔަނުކުރައްވަން، މަޖިލީހުގެ ރުހުން ހޯދުމަށް އަލުން ފޮނުއްވައިފަ އެވެ. 

އެކަމަކު އެ ނިންމެވުން ބަދަލުވުމުގެ ސަބަބެއް ވިދާޅުވެފައެއް ނުވެ އެވެ. 

އޭސީސީގެ ގާނޫނަށް މިދިޔަ އަހަރުގެ ތެރޭގައި ގެނައި އިސްލާހުގެ ދަށުން، އެ ކޮމިޝަނުގެ މެމްބަރުންގެ ތެރެއިން ރައީސާއި ނައިބު ރައީސަކު މަޖިލީހުގެ ރުހުމާ އެކު އައްޔަނުކުރައްވާނީ ރައީސުލްޖުމްހޫރިއްޔާ އެވެ.

އަހުމަދު ނަޝީދާއި އަބްދުﷲ ނާޝިދު އަކީ އޭސީސީއަށް އެންމެ ފަހުން އައްޔަނުކުރެއްވި ދެ މެމްބަރުންނެވެ. 

މިގޮތުން، އެ ދެ ބޭފުޅުންވެސް އޭސީސީއަށް އައްޔަނުކުރީ މިދިޔަ މަހުގެ 26 ވަނަ ދުވަހު އެވެ. އެ ދެ ބޭފުޅުންނަށް އޭސީސީގެ މެމްބަރުކަމަށް އައްޔަނުކުރަން މަޖިލީހުން ރުހުން ދިނީ، ދައުރުން ބޭރުގައި ޖަލްސާއެއް ބާއްވައިގެންނެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.