މިސްރުގެ ނޮން-ރެޒިޑެންޓް ސަފީރަކަށް ސަރީރު، ކެނެޑާއަށް ޣަފޫރު
މިސްރާއި ކެނެޑާއަށް ރާއްޖޭން ނޮން-ރެޒިޑެންޓް ސަފީރުން ކަނޑައަޅަން، ރައްޔިތުންގެ މަޖިލީހުގެ ރުހުން ހޯދުމަށް ރައީސް ޑރ. މުހައްމަދު މުއިއްޒު ފޮނުއްވައިފި އެވެ.
މިސްރާއި ކެނެޑާއަށް ރާއްޖޭން ނޮން-ރެޒިޑެންޓް ސަފީރުން ކަނޑައަޅަން، ރައްޔިތުންގެ މަޖިލީހުގެ ރުހުން ހޯދުމަށް ރައީސް ޑރ. މުހައްމަދު މުއިއްޒު ފޮނުއްވައިފި އެވެ.
މިސްރަށް ކަނޑައަޅާފައިވާ ނޮން-ރެޒިޑެންޓް ސަފީރަކަށް ރައީސް މުއިއްޒު ހުށަހަޅުއްވާފައިވަނީ، ސައުދީއަށް ކަނޑައަޅާފައި ހުންނަވާ ސަފީރު، އަހުމަދު ސަރީރެވެ.
ކެނެޑާގެ ނޮން-ރެޒިޑެންޓް ސަފީރުކަމަށް އައްޔަނުކުރަން ހުށަހަޅުއްވާފައިވަނީ، އެމެރިކާއަށް ކަނޑައަޅާފައި ހުންނަވާ ސަފީރު، އަބްދުލްޣަފޫރު މުހައްމަދެވެ.
މިސްރާއި ކެނެޑާއަށް ރާއްޖޭން ނޮން-ރެޒިޑެންޓް ސަފީރުން ކަނޑައެޅުމުގެ މައްސަލަ ދިރާސާކުރުމަށްޓަކައި، މަޖިލީހުގެ މިއަދުގެ ޖަލްސާގައި ރިޔާސަތުން ވަނީ ހާރިޖީ ގުޅުންތަކުގެ ކޮމިޓީއަށް ފޮނުއްވައިފަ އެވެ.
ސައުދީ ސަފީރުކަމަށް ސަރީރު އައްޔަނުކުރެއްވީ، މި ސަރުކާރުގައި މިދިޔަ އަހަރުގެ އޮކްޓޯބަރު މަހުގެ ތެރޭގަ އެވެ. އެމެރިކާގެ ސަފީރަކަށް ޣަފޫރު އައްޔަނުކުރައްވާފައިވަނީ، ކުރީގެ ސަރުކާރުގައި 2022 ވަނަ އަހަރުގެ ސެޕްޓެމްބަރު މަހުގެ ތެރޭގަ އެވެ.
ކޮމެންޓް
Republic of Maldives