ޕެންޝަން އޮފީހުން މާލީ ދާއިރާއަށް ހާއްސަ ސްކޮލަޝިޕެއް ދެނީ

މާލީ ދާއިރާއިން ފަންނީ މީހުން ބިނާކުރުމަށް ޕެންޝަން އޮފީހުން މުޅިން އަލަށް ސްކޮލަޝިޕެއް ތައާރަފްކޮށްފި އެވެ.

އެ އޮފީހުން ބުނިގޮތުގައި، މި ޕްރޮގްރާމުގެ އަމާޒަކީ މާލީ ދާއިރާއަށް ބޭނުންވާ ތަފާތު ރޮނގުތަކުން މަތީ ތައުލީމު ހާސިލުކޮށް، ކުރިއަށް ދިއުމަށް ބޭނުންވާ ފަރާތްތަކަށް އެ ފުރުސަތު ހޯދައިދީ، އެ ދާއިރާގައި މަސައްކަތް ކުރާނެ ގާބިލު މީހުން ބިނާކުރުމެވެ.

މެރިޓް ބޭސްޓް ޕްރޮގްރާމެއްގެ ގޮތުގައި ހިންގުމަށް ހަމަޖެހިފައިވާ މި ޕްރޮގްރާމަކީ ދުނިޔޭގެ ޔުނިވާސިޓީ ރޭންކިންއަށް ބަލައި، ފެންވަރު ރަގަޅު ޔުނިވާސިޓީތަކުން އަންޑަގްރެޖުއޭޓް އަދި ޕޯސްޓްގްރެޖުއޭޓް ޕްރޮގްރާމުތަކުގައި ކިޔެވުމުގެ ފުރުސަތު ލިބިގެންދާނެ ޕްރޮގްރާމެއް ކަމަށް އެ އޮފީހުން ބުންޏެވެ. ހުރިހާ ހަރަދެއް ބަލަހައްޓާނީ އެ އޮފީހުންނެވެ.

ސްކޮލަޝިޕަށް ހުޅުވާލާފައިވާ ދާއިރާތަކަކީ؛

ޕެންޝަން އޮފީހުން ބުނީ މި ސްކޮލަޝިޕަށް އެދި ހުށަހެޅުމުގެ ފުރުސަތު ހަމަވާނީ އަންނަ މާޗް މަހުގެ 16 ވަނަ ދުވަހުގެ ހަވީރު 4:00 ގެ ނިޔަލަށް ކަމަށެވެ. ސްކޮލަޝިޕަށް ޝޯޓްލިސްޓުވާ ފަރާތްތައް އިންޓަވިއުކުރަން ހަމަޖެހިފައި ވަނީ އޭޕްރީލް މަހުގެ 8 ވަނަ ދުވަހުން ފެށިގެން 17 ވަނަ ދުވަހުގެ ނިޔަލަށެވެ.

އެ އޮފީހުން ބުނީ މި ޕްރޮގްރާމުގެ ދަށުން ކިޔެވުމަށް ކަނޑައަޅާ ދާއިރާތަކާއި ސްކޮލަޝިޕްގެ އަދަދު އެ އޮފީހުން އަހަރަކު އެއްފަހަރު އިއުލާނު ކުރާ ގޮތަށް ހަމަޖެހިފައިވާ ކަމަށެވެ. މިއަހަރަށް އިއުލާނު ކޮށްފައި ވަނީ އެއް އަންޑަގްރެޖުއޭޓް ސްކޮލަޝިޕެވެ.

މި ސްކޮލަޝިޕް ޕްރޮގްރާމުގެ ކްރައިޓީރިއާ އާއި އެޕްލިކޭޝަން ހުށަހެޅުމާ ގުޅޭ މައުލޫމާތު އެ އޮފީހުގެ ވެބްސައިޓުގައި ވަނީ ޝާއިއުކޮށްފަ އެވެ.