އިސްރާއިލަށް މަސައްކަތު ނުދާނެ ގޮތެއް ހަދަން ތައިލެންޑުން އުމުރު ދުވަހަށް މުސާރަ

ހަމާސް އިން މިނިވަންކުރި ތައިލެންޑުގެ މަސައްކަތްތެރިން އެނބުރި އިސްރާއިލަށް މަސައްކަތު ނުދާނެ ގޮތެއް ހަދަން ތައިލެންޑު ސަރުކާރުން އުމުރު ދުވަހުގެ މުސާރަ ދޭން ނިންމައިފި އެވެ. 

ހަމާސް އާއި އިސްރާއިލާ ދެމެދު ވެވުނު ހަނގުރާމަ ހުއްޓާލުމުގެ އެއްބަސްވުމުގެ ދަށުން ހަމާސްގެ އަތްދަށުގައި ތިބި އިސްރާއިލްގެ ގިނަ ބަޔަކު ދަނީ ދޫކުރަމުންނެވެ. މިގޮތުން ދޫކޮށްލި މީހުންގެ ތެރޭގައި އިސްރާއިލުގައި މަސައްކަތް ކުރަނިކޮށް މިދިޔަ އަހަރުގެ ފެބްރުއަރީ ހަތް ވަނަ ދުވަހު ހަމާސްގެ ބެލުމުގެ ދަށަށް ގެންދިޔަ ތައިލެންޑުގެ ތިން މީހުންވެސް ހިމެނެ އެވެ. 

ތައިލެންޑުގެ ފަސް ރައްޔިތުން އެނބުރި އެގައުމަށް މިއަދު ގޮސްފައިވާއިރު، މި މީހުންނަށް ތައިލެންޑުން ވަނީ ހޫނު މަރުހަބާއެއް ކިޔާފަ އެވެ. 

ހަމާސްގެ އަތްދަށުގައި 15 މަސް ދުވަހު ރަހީނުގައި ތިބުމަށްފަހު ދޫކޮށްލި މި މީހުންނާ ބައްދަލު ކުރެއްވުމަށްފަހު ލޭބަ މިނިސްޓްރީގެ އޮފިޝަލެއް ކަމަށްވާ ބޫންސޮންގް ޓަޕްޗައިޔޫތު ވިދާޅުވީ އެނބުރި އިސްރާއިލަށް މަސައްކަތު ދާން ނުޖެހޭނެކަން ޔަގީން ކުރުމުގެ އާމްދަނީގެ ގޮތުގައި އެއް ފަހަރާ 18،000 ޑޮލަރު ނުވަތަ 600،000 ތައިބާތު ދޭނެ އެވެ. އަދި އުމުރުން 80 އަހަރު ވަންދެން މަހަކު 900 ޑޮލަރުގެ މުސާރައެއް ދޭނެ އެވެ.