ބުރާސްފަތި | މިފަހުން އެންމެ ގިނައިން މަސްވެރިންނަށް ފައިސާ ދިން ދުވަސް

މަސްވެރިންނަށް 48 ގަޑިއިރު ތެރޭ ފައިސާ ދޭން ފެށިފަހުން މިދިޔަ ބުރާސްފަތި ދުވަހަކީ މަސްވެރިންނަށް މި ފަހުން އެންމެ ގިނައިން ފައިސާ ދިން ދުވަހެވެ. 

މަސްވެރިން ކިރުވާ މަހަށް ބަރާބަރަށް ފައިސާ ދޭން ފެށިފައިވަނީ މިދިޔަ އަހަރުގެ މަސްވެރިން ދުވަހުން ފެށިގެންނެވެ. މި ބަދަލާއެކު އެންމެފަހުން މަސްވެރިންނަށް ފައިސާ ދޫކުރި މިދިޔަ ބުރާސްފަތި ދުވަހު ވަނީ 40 ދޯންޏަކަށް 6.4 މިލިއަން ރުފިޔާ ދޫކޮށްފަ އެވެ. މިއީ މި ފަހުން މަސްވެރިންނަށް އެންމެ ގިނައިން ފައިސާ ދޫކުރި ދުވަހެވެ. 

މަސްވެރިންނަށް ބަރާބަރަށް ފައިސާ ދޫކުރަން ފެށުމާއެކު މަހަށް ނުކުންނަ ދޯނިފަހަރުވެސް ވަނީ ގިނަވެފަ އެވެ. މިފްކޯއިން ވަނީ މަސްވެރިން މަހަށް ނުކުންނަން ހިތްވަރު ދިނުމުގެ ގޮތުން އައިސް ލިބުމުގައި ހުރި ދަތިތައް ހައްލު ކުރަން ގިނަ ޕްލާންޓްތަކެއްވެސް އޮޕަރޭޝަނަށް ގެނެސްފަ އެވެ. 

މަސްވެރިކަން މި ދުވަސްވަރު ރަނގަޅުވެފައިވާއިރު މިހާރު އެވްރެޖުކޮށް ދުވާލެއްގެ މައްޗަށް 300 ޓަނުގެ މަސް ކިފްކޯއަށް ކިރުވަ އެވެ. މިދިޔަ ޖެނުއަރީ މަހަކީ މިފްކޯގެ 27 އަހަރުގެ ތެރޭގައި އެންމެ ގިނައިން މަސް ކިރުވީ މިދިޔަ ޖެނުއަރީ މަހެވެ. މިދިޔަ ޖެނުއަރީ މަހު 8،324 ޓަނުގެ މަސް މިފްކޯ އަށް ކިރުވި އެވެ.