އެމެރިކާގައި ގަވާއިދާ ހިލާފަށް އުޅޭ އިންޑިއާގެ 200 މީހަކު ބޭރުކޮށްފި

އިންޑިއާގައި ގަވާއިދާ ހިލާފަށް އުޅެމުން ދިޔަ އިންޑިއާގެ 200 މީހަކު އެމެރިކާގެ އަސްކަރީ މުދާ އުފުލާ މަތިން ދާ ބޯޓެއްގައި މިއަދު އެ ގައުމުން ބޭރުކޮށްފި އެވެ. 

އެމެރިކާގެ އާ ރައީސް ޑޮނަލްޑް ޓްރަމްޕުގެ ގަވާއިދާ ހިލާފަށް އެމެރިކާގައި އުޅޭ މީހުން އެ ގައުމުން ބޭރު ކުރުމުގެ ކެމްޕޭންގެ ދަށުން އިންޑިއާގެ 200 މީހަކު ގޮވައިގެން އައި މަތިންދާ ބޯޓު އިންޑިއާގެ އަމްރިތުސަރު ވައިގެ ބަނދަރުގައި ޖެއްސީ މިއަދު އެވެ. 

އެމެރިކާ އިން އިންޑިއާ އަށް ފޮނުވައިލި މީހުންގެ ތެރޭގައި ހިމެނެނީ ޕަންޖާބަށް ނިސްބަތްވާ 33 މީހަކާއި ހަރިއާސާ ސްޓޭޓާއި އުއްތަރުޕްރަދޭސް އަދި ޗަންދިގަރު ސްޓޭޓަށް ނިސްބަތްވާ މީހުންނެވެ. މިއީ އެމެރިކާގައި ގަވާއިދާ ހިލާފަށް އުޅެމުން ދިޔަ އިންޑިއާގެ ރައްޔިތުން އަސްކަރީ މަތިންދާ ބޯޓެއްގައި ބޭރުކުރާ ފުރަތަމަ ފަހަރެވެ. 

ގަވާއިދާ ހިފާލަށް އެންމެ ގިނަ ބަޔަކު އެމެރިކާގައި އުޅެމުންދަނީ ގުއަޓަމާލާ އާއި ހޮންޑިއުރާސް އަދި މެކްސިކޯގެ އިތުރުން އިންޑިއާ ރައްޔިތުންނެވެ. އިންޑިއާގެ 750،000 މީހުން އެމެރިކާގައި ގަވާއިދާ ހިލާފަށް އުޅެމުންދާ ކަމަށް ބެލިފައިވެ އެވެ. އިންޑިއާއަކީ މެކްސިކޯ އާއި އެލްސަލްވެޑޯއަށްފަހު އެމެރިކާގައި ގަވައިދާ ހިލާފަށް އެންމެ ބޮޑު އާބާދީއެއް ދިރިއުޅޭ ގައުމެވެ. 

އެމެރިކާގެ ސަރުކާރުން ދަނީ އިންޑިއާގެ 20،000 އަށްވުރެ ގިނަ މީހުން އެ ގައުމުން މިވަގުތު ބޭރު ކުރުމުގެ މަސައްކަތް ކުރަމުންނެވެ. މިވަގުތުވެސް 2،600 އަށްވުރެ ގިނަ މީހުން އެމެރިކާގެ އިމިގްރޭޝަން އެންޑް ކަސްޓަމްސް އެޖެންސީ (އައިސް) ގެ ބަންދުގައި ތިބި ކަމަށްވެ އެވެ.