ކެންސަރު ދުވަހާ ގުޅިގެން ރައީސް އިލްތިމާސްކުރެއްވީ ދުންފަތާ ދުރުވާން

"ކެންސަރު ބަލި ޖެހުމަށް މެދުވެރިވާ އެންމެ ބޮޑު އެއް ސަބަބަކީ ދުންފަތުގެ އިސްތިއުމާލު ކުރުމުން ކަމުގައިވާތީ، ދުނިޔޭގެ ކެންސަރު ބަލީގެ ދުވަހުގައި މި ނުބައި އާދައިން ދުރުވުމަށް އަޒުމް ކަނޑައަޅަމާތޯ،" ރައީސްގެ މެސެޖުގައިވެ އެވެ.

ރައީސް ޑރ. މުހައްމަދު މުއިއްޒު

ދުނިޔޭގެ ކެންސަރު ބަލީގެ ދުވަހުގައި، ދުންފަތުގެ އިސްތިއުމާލު ކުރުމުގެ ނުބައި އާދައިން ދުރުވާން އަޒުމް ކަނޑައެޅުމަށް ރައީސް ޑރ. މުހައްމަދު މުއިއްޒު އިލްތިމާސް ކުރައްވައިފި އެވެ. 

ރައީސް މިހެން ވިދާޅުވީ މިއަދު ފާހަގަކުރާ ދުނިޔޭގެ ކެންސަރު ބަލީގެ ދުވަހާ ގުޅިގެން އެކްސްގައި ކުރެއްވި ޕޯސްޓެއް މެދުވެރިކޮށެވެ. އެމަނިކުފާނު ވިދާޅުވީ ކެންސަރު ބަލި ޖެހުމަށް މެދުވެރިވާ އެންމެ ބޮޑު ސަބަބަކީ ދުންފަތުގެ އިސްތިއުމާލު ކުރުން ކަމަށެވެ.

"ކެންސަރު ބަލި ޖެހުމަށް މެދުވެރިވާ އެންމެ ބޮޑު އެއް ސަބަބަކީ ދުންފަތުގެ އިސްތިއުމާލު ކުރުމުން ކަމުގައިވާތީ، ދުނިޔޭގެ ކެންސަރު ބަލީގެ ދުވަހުގައި މި ނުބައި އާދައިން ދުރުވުމަށް އަޒުމް ކަނޑައަޅަމާތޯ،" ރައީސްގެ މެސެޖުގައިވެ އެވެ.

ރައީސްގެ މެސެޖުގައި، ކެންސަރު ބައްޔާ ގުޅިގެން ހުރިހާ ފަރާތްތަކުން ގުޅިގެން ކުރުމަށް އަމާޒު ހިފަންޖެހޭ ކަންތައްތަކެއް ފާހަގަކުރައްވާފައިވެ އެވެ. އެއީ، ބަލި ހުންނަ ކޮންމެ މީހަކަށް ހަމަހަމަ ފަރުވާ ދިނުމާއި، ދުރާލާ ބަލި ދެގަނެ އަވަސް ފަރުވާ ހޯދުން އަދި ބަލިން ރައްކާތެރިކަން ކަށަވަރު ކުރުމެވެ.

ދުނިޔޭގެ ކެންސަރު ބަލީގެ ދުވަހުގައި ދުންފަތާ ދުރުވުމަށް އަޒުމް ކަނޑައަޅަން ރައީސް އިލްތިމާސް ކުރައްވާފައިވާއިރު، އެމަނިކުފާނު ގެންދަވަނީ ދިވެހިން މި ނުބައި އާދައިން ދުރުކުރުމަށް މުހިންމު ނިންމުންތަކެއް ނިންމަވަމުންނެވެ. އެގޮތުން، ރާއްޖޭގައި ދުންފަތް ކޮންޓްރޯލް ކުރުމަށް ގާނޫނަށް މުހިންމު އިސްލާހުތަކެއް ގެންނަވާފައިވެ އެވެ.

އޭގެ ތެރޭގައި ރާއްޖެއަށް ދުންފަތުގެ އެއްވެސް ބާވަތެއް އެތެރެކުރުމާއި އަދި ރާއްޖޭގައި އުފެއްދުން ވަނީ މަނާކޮށްފަ އެވެ. ސިނގިރޭޓުން ނަގާ ޑިއުޓީ ބޮޑުކޮށް، އަދި އީ-ސިނގިރޭޓާއި ވޭޕް ވެސް ރާއްޖޭގައި ވަނީ މަނާކޮށްފަ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.