ޣައްޒާގައި ހަނގުރާމަ ހުއްޓާލާ އެއްބަސްވުން ދެމެހެއްޓުމަށް އަރަބި ގައުމުތަކުން ކުރާ މަސައްކަތަށް ރާއްޖޭން މަރުހަބާ

އަދި، ޣައްޒާ އަލުން އާރާސްތުކުމާ ބެހޭގޮތުން މަޝްވަރާކުރުމަށް ބައިނަލްއަގުވާމީ ބައްދަލުވުމެއް ބޭއްވުމަށް ހުށަހަޅާފައިވާ ހުށަހެޅުމަށް ވެސް ވަނީ މަރުހަބާ ކިޔައިފަ އެވެ.

މިސްރުގައި ބޭއްވި އަރަބް ސިކްސް-ޕާޓީ މަޝްވަރާ ބައްދަލުވުން: މި ބައްދަލުވުމުގައި ޣައްޒާގެ ރައްޔިތުންގެ ހައްގުގައި ނިންމާފައިވާ ނިންމުންތަކަށް ރާއްޖޭން ވަނީ މަރުހަބާ ކިޔާފައި --

ޣައްޒާގައި ހިންގަމުންދާ ހަނގުރާމަ ހުއްޓާލުމަށް ހަދާފައިވާ އެއްބަސްވުން ދެމެހެއްޓުމަށް މިސުރުގެ ވެރިރަށް އަލް ގާހިރާގައި ބޭއްވި "އަރަބް ސިކްސް-ޕާޓީ" މަޝްވަރާ ބައްދަލުވުމުގެ ނިންމުންތަކަށް ދިވެހި ސަރުކާރުން މަރުހަބާ ކިޔައިފި އެވެ.

އެމެރިކާގެ ވަރުގަދަ ހަތިޔާރުތަކުގެ ބޭނުންކޮށްގެން އިސްރާއިލުން ހަތިޔާރު ނެތް ފަލަސްތީނު ރައްޔިތުންގެ ގެދޮރުގެ 90 ޕަސެންޓް ބިމާ ހަމަކޮށްފައިވާއިރު، މި ހަމަލާތައް ހުއްޓާލަން އެއްބަސްވެފައި ވަނީ މިދިޔަ މަހުގެ 19 ވަނަ ދުވަހުން ފެށިގެންނެވެ.

މިކަމާ ގުޅޭ ގޮތުން މިސްރުގައި ބޭއްވި ބައްދަލުވުމުގައި ބައިވެރިވެފައި ވަނީ ސައުދީ އަރަބިއްޔާ އާއި ގަތަރާއި، ޔޫއޭއީގެ އިތުރުން ޖޯޑަން އަދި ފަލަސްތީނުގެ ހާރިޖީ ވަޒީރުންނެވެ. މި ބައްދަލުވުމުގައި އަރަބި ގައުމުތަކުން ވަނީ ނިންމުންތަކެއް ނިންމައިފަ އެވެ.

އެގޮތުން، ޣައްޒާއަށް ދެމުންދާ ހަމަލާތައް ހުއްޓައިލުމުގެ އެއްބަސްވުން ދެމެހެއްޓުމާއެކު، ފަލަސްތީނުގައި ދާއިމީކޮށް ސުލްހަ ގާއިމްކުރަން ނިންމާފައިވެ އެވެ. އަދި، ޣައްޒާއަށް އެހީ ވެއްދުމާއި، އެތަނުގައި ތިބި އިޒްރޭލުގެ ސިފައިން ފޭބުމުގެ އިތުރުން ސުންނާފަތިކޮށްފައިވާ އެ ސަރަހައްދު އަލުން އާބާދު ކުރުން ހިމެނެ އެވެ.

އަރަބް ސިކްސް-ޕާޓީގެ މި ބައްދަލުވުމުގައި ނިންމާފައިވާ ނިންމުންތަކަށް ރާއްޖޭން މަރުހަބާ ކިޔައި، އެއްބަސްވުން ދެމެހެއްޓުމަށް ކުރަމުންދާ އެންމެހާ ކަންކަން ވަނީ ތާއީދު ކޮށްފަ އެވެ.

ރާއްޖޭގެ ފޮރިން މިނިސްޓްރީން ވަނީ އެ އެއްބަސްވުން ފުރިހަމައަށް ތަންފީޒުކުރުމަށް ކަމާގުޅުންހުރި އެންމެހާ ފަރާތްތަކަށް އިލްތިމާސްކޮށްފަ އެވެ. އަދި ޣައްޒާގެ ހާލުގައި ޖެހިފައިވާ ހުރިހާ ސަރަހައްދަކަށް ލަސްނުކޮށް، އެއްވެސް ހުރަހަކާނުލާ އިންސާނީ އެހީތެރިކަން ފޯރުކޮށްދިނުމަށް އަޅަންޖެހޭ ފިޔަވަޅުތަށް ހަލުވިކަމާއެކު އެޅުމުގެ މުހިންމުކަން ވެސް ފާހަގަކޮށްފައިވެ އެވެ.

އަދި، ޣައްޒާ އަލުން އާރާސްތުކުމާ ބެހޭގޮތުން މަޝްވަރާކުރުމަށް ބައިނަލްއަގުވާމީ ބައްދަލުވުމެއް ބޭއްވުމަށް ހުށަހަޅާފައިވާ ހުށަހެޅުމަށް ވެސް ވަނީ މަރުހަބާ ކިޔައިފަ އެވެ.

"ދިވެހި ސަރުކާރުން ގަބޫލުކުރާގޮތުގައި ފަލަސްތީނުގައި ހިނގަމުންދާ ހަމަނުޖެހުމަށް ދެމެހެއްޓެނިވި ހައްލެއް ލިބޭނީ 1967ގެ ކުރިން ކަނޑައެޅިފައި އޮތް އިންތަކުގެ މައްޗަށް ބިނާކޮށް، އިރުމަތީ ގުދުސްއަކީ ވެރިރަށުގެ ގޮތުގައި ކަނޑައެޅިފައިވާ، މިނިވަން އަދި މުސްތަގިއްލު ފަލަސްތީނުގެ ދައުލަތެއް ގާއިމުކުރެވިގެން،" ފޮރިން މިނިސްޓްރީން ބުނެފައިވެ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.