ޓޫރިޒަމް މިނިސްޓަރަކަށް ތޯރިގް އައްޔަނު ކޮށްފި
ރައީސް ވަނީ ކްލައިމެޓް ޗޭންޖް، އެންވަޔަރަންމަންޓް އެންޑް އެނާޖީ މިނިސްޓްރީ އާއި ޓޫރިޒަމް މިނިސްޓްރީ އެއްކޮށްލާފަ އެވެ.
ޓޫރިޒަމް މިނިސްޓަރުގެ މަގާމަށް އެންވަޔަރަމެންޓް މިނިސްޓަރުގެ މަގާމުގައި ހުންނެވި ތޯރިގް އިބްރާހިމް އައްޔަނު ކުރައްވައިފި އެވެ.
ޓޫރިޒަމް މިނިސްޓަރުގެ މަގާމަށް ތޯރިގް އައްޔަނު ކުރައްވާފައި ވަނީ މިއަދު ރައީސް އޮފީހުގައި ބޭއްވި ހާއްސަ ރަސްމިއްޔާތުގައި ރައީސް ޑރ. މުހައްމަދު މުއިއްޒެވެ.
އެ މަގާމަށް ތޯރިގް އައްޔަނު ކުރެއްވީ، އެމަގާމުގައި ކުރިން ހުންނެވި ފައިސަލް އިބްރާހިމް މަގާމުން ވަކިކުރުމަށްފަހު އެވެ. މިދިޔަ ހަފްތާ ފައިސަލް މަގާމުން ވަކި ކުރެއްވި ވަކި ސަބަބެއް ސަރުކާރުން ނުބުނެ އެވެ.
މި ސަރުކާރުން އެންމެ ފުރަތަމަ އެކުލަވައިލި ކެބިނެޓުގައި ތޯރިގު ހުންނެވީ އެންވަޔަރަމެންޓް މިނިސްޓަރުގެ މަގާމުގަ އެވެ. ނަމަވެސް ރައީސް ވަނީ ކްލައިމެޓް ޗޭންޖް، އެންވަޔަރަންމަންޓް އެންޑް އެނާޖީ މިނިސްޓްރީ އާއި ޓޫރިޒަމް މިނިސްޓްރީ އެއްކޮށްލާފަ އެވެ.
މިހާރު އެ މިނިސްޓްރީއަށް ކިޔަނީ މިނިސްޓްރީ އޮފް ޓޫރިޒަމް، އެންޑް، އެންވަޔަރަންމަންޓް އެވެ.
ޓޫރިޒަމް މިނިސްޓަރުގެ މަގާމަށް ތޯރިގް އައްޔަނު ކުރެއްވުމަށްފަހު ރައީސް ވަނީ އޭނާއާ ބައްދަލުކުރައްވާފަ އެވެ. މި ބައްދަލުވުމުގައި، ތިމާވެއްޓާއި ފަތުރުވެރިކަން ގުޅުވައިގެން ރާއްޖެ އިޝްތިހާރުކުރެއްވުމުގެ މުހިންމުކަން އެމަނިކުފާނު ފާހަގަކުރެއްވި އެވެ.
ކޮމެންޓް
Republic of Maldives