ހަފުތާއެއްގެ ތެރޭ އެމެރިކާގައި ވައިގެ ދެވަނަ ހާދިސާ، މިފަހަރު ވެއްޓުނީ ޖެޓެއް

އެމެރިކާ ސިފައިންގެ ހެލިކޮޕްޓަރަކާއި މަތިންދާ ބޯޓެއް ވައިގެ ތެރޭގައި މުޑިއަރައި އެތައް ބަަޔަކު މަރުވި ހަދިސާއަށްފަހު، އަނެއްކާ ވެސް އެ ގައުމުގައި ނުރައްކާތެރި ވައިގެ ހާދިސާއެއް ހިންގައިފި އެވެ. 

އެމެރިކާ ސިފައިންގެ އަތުގައި އޮންނަ އެންމެ ޒަމާނީ އެއް ހެލިކޮޕްޓަރު ކަމަށްވާ ބްލެކްހޯކްސް ހެލިކޮޕްޓަރަކާއި އެމެރިކަން އެއާލައިންސްގެ ބޯޓެއް ނިއުޔޯކުގެ ވައިގެ ތެރޭގައި މުޑި އެރުމުގެ ސަބަބުން އެ ބޯޓުން ދަތުރު ކުރި އެންމެން ވަނީ މަރުވެފަ އެވެ. މި ބޯޓުގައި ތިބި 17 މީހުންނަކީ އެ ގައުމުގެ އައިސް ސްކޭޓް ޓީމުގެ ޒުވާން މެންބަރުންނެވެ. އަދި މި ހެލިކޮޕްޓަރުގައި ތިބި ހަތަރު ސިފައިން ވެސް މި ހާދިސާގައި ވަނީ މަރުވެފަ އެވެ.

ފިލިޑެލްފިއާ އަށް ވެއްޓުނު މި ބޯޓުގައި ޖުމްލަ ހަ މީހަކު ތިބިކަން މިހާތަނަށް ޔަގީންވެފައިވާއިރު މި ހުރިހާ މީހުން މަރުވެފައިވާ ކަމަށް ވަނީ ބެލެވިފަ އެވެ. މި ބޯޓު ވެއްޓިފައިވަނީ އެމެރިކާގެ މަގެއްގެ މައްޗަށެވެ. މި ހާދިސާގައި އެ ސަރަހައްދުން ދަތުރުކުރި ބައެއް މީހުންނަށްވެސް އެކިވަރުގެ އަނިޔާވެފައިވާ ކަމަށް ސީއެންއެންއިން ބުނެފައިވެ އެވެ. 

މަންޒަރު ދުއް ބައެއް މީހުން ބުނެފައިވާ ގޮތުގައި ބޯޓު ވެއްޓުމުގެ ކުރިން ބޯޓުން އަލިފާން ބޯޅައެއް ގޮތަށް އަލިފާން ގަނޑެއް ފެނުމެވެ. އާއްމުވެފައިވާ ވީޑިއޯތަކުން ފެންނަ ގޮތުގައި މި ބޯޓު ވެއްޓިފައިވަނީ އާއްމު ގިނަ ސަަރަހައްދަކަށެވެ.