އިންޑޮނޭޝިއާ ސަރުކާރުގެ މިސްކިތް ކައުންސިލުން ވަނީ ރޯދައަށްވާއިރަށް ވަގުތި މިސްކިތްތަކެއް އަޅައިދޭން ނިންމާފަ އެވެ.
އިސްރާއިލްގެ ލާއިންސާ ހަމަލާތަކުން ބިމާ ހަމަކޮށް ސުންނާފަތިކޮށްލާފައިވާ ގާޒާގައި އިންޑޮނޭޝިއާއިން 100 މިސްކިތް އަޅައިދޭން ނިންމައިފި އެވެ.
ދުނިޔޭގެ އެންމެ ބޮޑު މުސްތިމުންގެ އާބާދީ އޮންނަ އިންޑޮނޭޝިއާގެ މިސްކިތްތަކާ ބެހޭ ކައުންސިލުން ބުނީ އަންނަ ރޯދަ މަސް އައުމުގެ ކުރިން ބައެއް މިސްކިތްތައް ނިންމަައިދޭން މަސައްކަތް ކުރާނެ ކަމަށެވެ.
އިންޑޮނޭޝިއާގެ ނައިބު ރައީސް މުހައްމަދު ޖުސުފް ކައްލާ ވިދާޅުވި ގޮތުގައި ޣައްޒާގެ ހާލަތު އިންޑޮނޭޝިއަށް އެނގޭ ކަމަށާ އިސްރާއިލުން މިދިޔަ އެ އަހަރާއި ބައިގެ ތެރޭގައި ގާޒާގެ 1،000 މިސްކިތް ބިމާ ހަމަކޮށްފައިވާ ކަމަށެވެ.
"އެހެންވެ އަހަރެމެންގެ އެންމެ ފުރަތަމަ މަގުސަދަކީ ރޯދައަށްވާއިރަށް ވަގުތީ މިސްކިތްތަކެއް އަޅައި ދިނުން. މި މިސްކިތްތަނުގެ އަދަދު 100 އަށް އަރާނެ،" އިންޑޮނޭޝިއާގެ މިސްކިތް މެނޭޖުމަންޓް ކައުންސިލްގެ ޗެއާކަން ވެސް ކުރަވާ ޖުސުފް ކައްލާ ވިދާޅުވި އެވެ.