ރައްޔިތުންގެ ބެންކެއްގެ ސިފަ ބީއެމްއެލް ގައި މިހާރު އެބަހުރި: ރައީސް

"ހަގީގީ ރައްޔިތުންގެ ބެންކެއްގެ ސިފަ ބީއެމްއެލް ގައި މިހާރު އެބަހުރި،" ބެންކުގެ މިހާރުގެ ސިޔާސަތުތަކަށް ތައުރީފު ކުރައްވާ ރައީސް ވިދާޅުވި އެވެ.

ރައީސް މުރައިދޫގައި ވާހަކަފުޅު ދައްކަވަނީ

ހަގީގީ ރައްޔިތުންގެ ބެންކެއްގެ ސިފަ ގައުމީ ބެންކު -- ބެންކު އޮފް މޯލްޑިވްސް (ބީއެމްއެލް) ގައި މިހާރު އެބަހުރި ކަމަަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.

އެމަނިކުފާނު މިހެން ވިދާޅުވީ ތިލަންދުންމަތީ އުތުރުބުރީގެ 10 ރަަށަކަށް މިއަދު ފެއްޓެވި ތިން ދުވަހުގެ ދަތުރުފުޅުގައި މުރައިދޫއަށް ވަޑައިގެން ވާހަކަފުޅު ދައްކަވަމުންނެވެ.

ފުރަތަމަ މަންޒިލެއްގެ ގޮތުގައި ވަޑައިގެން މި ރަށުގެ ސުކޫލުގައި އޮތް ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ ރާއްޖޭގެ ހުރިހާ ރަށެއްގައި ބެންކު އޮފް މޯލްޑިވްސްގެ އޭޓީއެމް ގާއިމުކޮށް ހިދުމަތް ދިނުމަކީ އެމަނިކުފާނުގެ ވައުދުފުޅެއް ކަމަށެވެ.

އެ އަމާޒަށް މިހާރު މަސައްކަތް ފެށިފައިވާކަން ވެސް ފާހަގަ ކުރެއްވި އެވެ. ވިދާޅުވީ އެމަނިކުފާނުގެ އަމާޒަކީ މި އަހަރު ނިމުމުގެ ކުރީން ރާއްޖޭގެ ހުރިހާ ރަށެއްގައި އޭޓީއެމް ގާއިމު ކުރެއްވުމަށް ކަމަަށެވެ. އެކަމަށް ބެންކުގެ ފުރިހަމަ އެއްބާރުލުން މިހާރު ލިބެމުންދާ ކަމަށް ވެސް ވިދާޅުވި އެވެ.

"ހަގީގީ ރައްޔިތުންގެ ބެންކެއްގެ ސިފަ ބީއެމްއެލް ގައި މިހާރު
 އެބަހުރި،" ބެންކުގެ ސީއީއޯ ޝަރީފް ވެސް ބައިވެރިވަޑައިގެން މި ޖަލްސާ ގައި ރައީސް ވިދާޅުވި އެވެ.

މުރައިދޫގައި އޭޓީއެމް ބެހެއްޓުމުގެ މަސައްކަތް ކައުންސިލާ ހަވާލުކުރުން

ރައީސް މިހެން ވިދާޅުވިއިރު ބެންކުގެ ބޮޑު ނިންމުމަކާމެދު ސަރުކާރާ ވަރަށް ބޮޑަށް ހިޔާލުތަފާތުން އުފެދުނެވެ. އެއީ ޑޮލަރު ލިމިޓް ބޮޑުތަނުން ކުޑަކުރަން ނިންމުމެވެ. އެއީ ރޭވިގެން ހިންގަން މަސައްކަތް ކުރި "މާލީ ބަޢާވާތެއް" ގެ ގޮތުގައި ރައީސް ވެސް ސިފަ ކުރެއްވި އެވެ. ފުލުހުން ބޮޑު ތަހުގީގެއް ވެސް ފެށިއެވެ.

ނަމަވެސް ބައެއް މީހުން ދެކޭގޮތުން އެއީ އޭރު ކުރިމަތިވި ސިޔާސީ ޕްރެޝަރު ކުޑަކުރުމަށް ވާހަކައެއް ނެރުއްވާ ފުލުސް މެދުވެރިކޮށް ފެއްޓެވި ތަހުގީގެކެވެ. ތަހުގީގުގެ އަޕްޑޭޓެއް ވެސް ފަހުން ނުދެ އެވެ.

ރައީސްގެ މުރައިދޫ ދަތުރުފުޅުގެ ތެރެއިން މި ރަށުގައި ބީއެމްއެލްގެ އޭޓީއެމް ބެހެއްޓުމުގެ މަސައްކަތް ފެށުމަށް ބެންކާއެކު ކައުންސިލުން ވަނީ އެއްބަސްވުމެއް ގާއިމު ކޮށްފަ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.