މިހާދިސާގައި އެކްސިޑެންޓްވެފައި ވަނީ “ސަސް އީ ސްޕީޑް” ލޯންޗާއި “އެމްޑަބްލިޔުއެސްސީ މެރިން 2” ނަމަކަށް ކިޔާ ދެ ލޯންޗު ޖެހިގެންނެވެ.
މީގެ ދެ އަހަރު ކުރިން އޭޕްރީލް 29، 2023 ގައި ކ. ފޭދޫފިނޮޅު ކައިރިން ދެ ލޯންޗު ޖެހި ހިނގާ ދިޔަ އެކްސިޑެންޓެއްގައި މީހަކު މަރުވަފައިވާތީ ދެ ލޯންޗުގެ ކެޕްޓަނުންނަށް ދައުވާ ކުރަން ޕްރޮސެކިއުޓާ ޖެނެރަލްގެ އޮފީހަށް، ފުލުހުން ފޮނުވައިފި އެވެ.
މިހާދިސާގައި އެކްސިޑެންޓްވެފައި ވަނީ “ސަސް އީ ސްޕީޑް” ލޯންޗާއި “އެމްޑަބްލިޔުއެސްސީ މެރިން 2” ނަމަކަށް ކިޔާ ދެ ލޯންޗު ޖެހިގެންނެވެ. މި އެކްސިޑެންޓްގެ ސަބަބުން މިތަނުން އެއް ލޯންޗުގައި އިން މީހަކަށް ލިބުނު އަނިޔާތަކަށް ފަރުވާ ދެމުން ދަނިކޮށް ވަނީ މަރުވެފަ އެވެ.
ފުލުހުން މިއަދު ބުނީ މި މައްސަލައިގައި ދައުވާ ކޮށްދިނުމަށް އެދިފައި ވަނީ ދެ ލޯންޗު ދުއްވަން ތިބި ދެ މީހުން ކަމަށްވާ ކ. ކާށިދޫ، ހީނާވިލާ، ޔާނިސް ހަމީދު (35އ) އަދި ހދ. ނޮޅިވަރަން، ގްރީން ހައުސް، މުހައްމަދު ޖަމީލް (43އ) ގެ މައްޗަށް ކަމަށެވެ.
މި މައްސަލައިގައި މި ދެމީހުންގެ މައްޗަށް ޖިނާއީ ދައުވާ ކޮށްދިނުމަށް އެދި ޖޫން 4، 2023 ގައި ވެސް ފުލުހުން ވަނީ ޕީޖީ އޮފީހަށް ފޮނުވާފަ އެވެ. ނަމަވެސް މައްސަލަ އިސްލާހުކުރުމަށް އަނބުރާ ފޮނުވާލުމުން، ދެވަނަ ފަހަރަށް މައްސަލަ ޕީޖީ އޮފީހަށް ފޮނުވާފައި ވަނީ މިމަހުގެ 15 ވަނަ ދުވަހު ކަމަށް ފުލުހުން ބުންޏެވެ.
މި އެކްސިޑެންޓްގައި މަރުވެފައި ވަނީ ކޮންސްޓްރަކްޝަން ކުންފުންޏެއް ކަމަށްވާ ސަސް އީ ކޮންސްޓްރަކްޝަން ކުންފުނީގެ މެނޭޖިން ޑިރެކްޓަރު ސައުދުﷲ އެވެ. އޭނާ މަރުވެފައި ވަނީ އެ އެކްސިޑެންޓްގައި ލިބުނު އަނިޔާތަކަށް އޭޑީކޭ ހޮސްޕިޓަލްގައި ފަރުވާދެމުން ދަނިކޮށް، އެކްސިޑެންޓް ހިނގި ދުވަހުގެ ދުވަހުގެ 18:15 އެހާކަންހާއިރު އެވެ.