ޑިމޮކްރެޓްސްގެ ރައީސަކަށް އިމްތިޔާޒް އިންތިހާބު ވެއްޖެ
ރައީސްގެ މަގާމަށް އިމްތިޔާޒް އިންތިހާބުވެފައިވާއިރު، ނައިބް ރައީސް (ފިރިހެން) ގެ މަގާމަށް އިންތިހާބު ވެފައި ވަނީ އުނގޫފާރު ދާއިރާގެ ކުރީގެ މެންބަރު މުހައްމަދު ވަހީދެވެ.
ދަ ޑިމޮކްރެޓްސްގެ ރައީސްގެ މަގާމަށް މާފަންނު އުތުރު ދައިރާގެ ކުރީގެ މެންބަރު އިމްތިޔާޒު ފަހުމީ އިންތިހާބު ވެއްޖެ އެވެ.
ރައީސްގެ މަގާމަށް އިމްތިޔާޒް އިންތިހާބުވެފައިވާއިރު، ނައިބް ރައީސް (ފިރިހެން) ގެ މަގާމަށް އިންތިހާބު ވެފައި ވަނީ އުނގޫފާރު ދާއިރާގެ ކުރީގެ މެންބަރު މުހައްމަދު ވަހީދެވެ.
މި ދެ ބޭފުޅުން ވެސް އެ މަގާމުތަކަށް އިންތިހާބުވެފައި ވަނީ ވޯޓަކާ ނުލަ އެވެ. ޕާޓީގެ ރައީސް އަދި ނައިބް ރައީސްގެ މަގާމު ހުސްވުމާއެކު، ޕާޓީން އެ ދެ މަގާމަށް ކުރިމަތިލާން ހުޅުވައިލުމުން ކުރިމަތިލެއްވީ މި ދެ ބޭފުޅުން އެކަންޏެވެ.
އެހެންވެ، އެޕާޓީގެ އިންތިހާބުތަކާ ބެހޭ ކޮމެޓީން ނިންމާފައި ވަނީ އެ ދެ ބޭފުޅުން އެ މަގާމުތަކަށް އިންތިހާބުވެފައިވާ ކަމަށެވެ.
ޑިމޮކްރެޓްސްގެ ރައީސްގެ މަގާމު ހުސްވީ އެމަގާމުގައި ކުރިން ހުންނެވި ހަސަން ލަތީފް އިސްތިއުފާ ދެއްވުމަށްފަހު ޕާޓީން ވަކިވެވަޑައިގެން އެމްޑީޕީއާ ގުޅިވަޑައިގަތުމުންނެވެ. އަދި ނައިބު ރައީސްކަމުގެ މަގާމު ވެސް ހުސްވީ އެ މަގާމުގައި ހުންނެވި މުހައްމަދު ޝިފާޒު އިސްތިއުފާ ދެއްވައި، އެމްޑީޕީއަށް ސޮއި ކުރެއްވުމުންނެވެ.
އާ ރައީސަކު އިންތިހާބުވާންދެން ޕާޓީގެ ވަގުތީ ރައީސަކަށް ހުންނެވީ އެ ޕާޓީގެ ނާއިބު ރައީސް ހުސައިން ފިރުޝާނެވެ.
ކޮމެންޓް
Republic of Maldives