ޗައިނާ ނަމްބަރު އެކަކަށް | ގައުމީ އެއާލައިންގެ ދެ ދަތުރުން 500 އެއްހާ ޓޫރިސްޓުން
ޗައިނާއިން މިހާރު ދަނީ ރާއްޖޭގެ ޓޫރިޒަމްގެ 13 ޕަސެންޓް ހިއްސާ ކުރަމުންނެވެ. މިވަގުތު އެންމެ ގިނައިން ޓޫރިސްޓުން އަންނަ ގައުމަކީވެސް ޗައިނާ އެވެ.
ރާއްޖެ އަށް މި އަހަރު އެންމެ ގިނައިން ޓޫރިސްޓުން އަންނަ ގައުމަކަށް ޗައިނާ ވެގެންދާއިރު ޗައިނާ ނަމްބަރު އެއްވަނަ އަށް ޖެހިލުމުގައި މޯލްޑިވިއަން މިވަނީ މުހިންމު ދައުރެއް އަދާކުރަމުންނެވެ.
ގައުމީ އެއާލައިން އިން މިމަހުގެ 22 ވަނަ ދުވަހުން ފެށިގެން ޗައިނާގެ މަންޒިލްތަކަށް ފެށި ދަތުރުތަކާއެކު ޗެންގްޑޫ އާއި ބެއިޖިންއަށް ވަނީ ފްލައިޓު އަޅާފަ އެވެ. ޗެންގްޑޫ އިން 180 އަށް ވުރެ ގިނަ ޓޫރިސްޓުން އައިސްފައިވާއިރު ބެއިޖިން އިން 252 އަށްވުރެ ޓޫރިސްޓުން އިއްޔެ ވަނީ ރާއްޖެ އައިސްފަ އެވެ. އަދި މިހާރު ގައުމީ އެއާލައިން ވަނީ ޝެންހާއީ އަށް ޖައްސާފަ އެވެ. މި ދެ ދަތުރުން ގާތްގަނޑަކަށް 500 އެއްހާ ޓޫރިސްޓުން ވަނީ ރާއްޖެ ގެނެސްފަ އެވެ.
ގައުމީ އެއާލައިން އިން ގެނައި ވައިޑް ބޮޑީއާއެކު ސީދާ ޓްރާންސިޓް ނުކޮށް މިހާރު ޗައިނާގެ މަންޒިލްތަކަށް އުދުހެވެ އެވެ.
ޓޫރިޒަމް މިނިސްޓްރީގެ ހިސާބުތައް ދައްކާ ގޮތުން ރާއްޖެއަށް މިހާތަނަށް 169,424 ޓޫރިސްޓުން އައިސްފައިވެ އެވެ. މިއީ މިދިޔަ އަހަރު އައި 152,811 ޓޫރިސްޓުންނާ އަޅާބަލާއިރު 10.9 ޕަސެންޓުގެ އިތުރުވުމެކެވެ. ޗައިނާ އިން މިހާރު ދަނީ ރާއްޖޭގެ ޓޫރިޒަމްގެ 13 ޕަސެންޓް ހިއްސާ ކުރަމުންނެވެ. މިހާތަނަށް 23,186 ޓޫރިސްޓުން އައިސްފައިވެ އެވެ.
ކޮމެންޓް
Republic of Maldives