ލޯބިވެރިޔާގެ ކުރީގެ ފިރިމީހާގެ ސައިކަލުގައި ރޯކޮށްލި މީހަކު ބަންދަށް
އެ ސައިކަލުގައި އޭނާ ރޯކޮށްލީ ބަނގުރާ ބޮއެގެން، މަސްތުގެ ހާލަތުގައި ހުރެ ކަމަށް ކޯޓުގައި ބުނެފައިވެ އެވެ. އޭނާ ވަނީ ޝަރީއަތުގެ މަޖިލީހުގައި ކުށަށް އިއުތިރާފްވެފަ އެވެ.
ލޯބީގެ ގޮތުން ގުޅިގެން އުޅޭ އަންހެން މީހާގެ ކުރީގެ ފިރިމީހާގެ ސައިކަލުގައި ރޯކޮށްލި މައްސަލައެއްގައި މީހަކު ހައްޔަރު ކޮށްފި އެވެ.
މުދަލަށް ގެއްލުން ދިނުމުގެ މި މައްސަލައިގައި ހައްޔަރު ކޮށްފައި ވަނީ ޏ. ފުވައްމުލަކަށް ނިސްބަތްވާ އުމުރުން 21 އަހަރުގެ ރިލްވާން އަލީ ކިޔާ މީހެކެވެ.
އޭނާގެ މައްޗަށް އިއްޔެ ކްރިމިނަލް ކޯޓުން ނެރުނު އަމުރުގައި ބަޔާންކޮށްފައިވާ ގޮތުން އޭނާ ވަނީ ޖަނަވަރީ މަގުގައި ހުންނަ ވެލިގާ ހާޑްވެއާ ކައިރީ ހުރި ސައިކަލެއްގައި ރޯކޮށްލާފަ އެވެ.
އެ ސައިކަލުގައި އޭނާ ރޯކޮށްލީ ބަނގުރާ ބޮއެގެން، މަސްތުގެ ހާލަތުގައި ހުރެ ކަމަށް ކޯޓުގައި ބުނެފައިވެ އެވެ. އޭނާ ވަނީ ޝަރީއަތުގެ މަޖިލީހުގައި ކުށަށް އިއުތިރާފްވެފަ އެވެ.
މި މައްސަލައާ ގުޅިގެން ރިލްވާން 15 ދުވަހަށް ބަންދު ކުރުމަށް ކްރިމިނަލް ކޯޓުން ވަނީ އަމުރުކޮށްފަ އެވެ.
ކޮމެންޓް
Republic of Maldives