ދުބާއީގެ ސަމާނާ ކުންފުނިން އިހަވަންދިއްޕޮޅުގައި 600 މިލިއަން ޑޮލަރުގެ މަޝްރޫއެއް
ސަމާނާ ކުންފުނިން ހިންގާ މި މަޝްރޫއުގެ ދަށުން ހަނިމާދޫ ކައިރީގައި ތަރައްގީ ކުރާ މި ރިސޯޓުގައި 190 ރެސިޑެންސް ވިލާ ހުންނާނެ އެވެ.
ދުބާއީގެ އެންމެ ބޮޑު ރިއަލްއެސްޓް ކުންފުނިން ކަމަށްވާ ސަމާނާ ޑެވެލޮޕާސް އިހަވަންދިއްޕޮޅުގައި 600 މިލިއަން ޑޮލަރުގެ ޓޫރިޒަމް މަޝްރޫއުއެއް ހިންގަން ނިންމައި އެ މަޝްރޫއު އިފްތިތާހުކޮށްފި އެވެ.
ދުނިޔޭގެ މަޝްހޫރު ލަގްޒަރީ ބްރޭންޑް އެލީ ސާބްއާ ގުޅިގެން ރާއްޖޭގައި ހިންގާ މި މަޝްރޫއު ސަމަނާ ޑެވެލޮޕާސް އިން ދުބާއީގެ މަދީނަތު ސަރަހައްދުގައި މިދިޔަ ހަފުތާގައި ދުބާއީގައި އޮތް ރަސްމިއްޔާތެއްގައި ލޯންޗްކޮށްފަ އެވެ.
އެ ކުންފުނިން ބުނެފައިވާ ގޮތުގައި ގާތްގަނޑަކަށް 600 މިލިއަން ޑޮލަރުގެ އަގު ބޮޑު މި މަޝްރޫއު ހިންގަނީ މިހާރު ތަރައްގީކޮށް އަލުން ހުޅުވަން ތައްޔާރު ވަމުންދާ ހަނިމާދޫ އިންޓަނޭޝަނަލް އެއާޕޯޓް ކައިރީގަ އެވެ. ހަނިމާދޫ އާ 20 މިނެޓުން ސީޕްލޭންގައި އަދި ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން 45 މިނެޓުން ދެވޭ ރާސްތާގައި ތަރައްގީ ކުރާ ރިސޯޓް ވެގެންދާނީ އެ ކުންފުނން ބުނި ގޮތުގައި އުތުރުގައި ތަރައްގީ ކުރާ އެންމެ ބިޔަ މަޝްރޫއަށެވެ.
ހަނިމާދޫ ކައިރީ ރިސޯޓުގެ މައުލޫމާތު
- ރިސޯޓުގެ ބޮޑު މިން - 507،651 އަކަފޫޓް
- 190 ލަގްޒަރީ ރެސިޓެންސް ގެ ހުންނާނެ
- ބީޗްފްރަންޓް ވިލާތަކާއި ވޯޓާ ބަންގަލޯ އަދި ޕޫލްސައިޑް އެޕާޓްމަންޓްތައް ހުންނާނެ
- ސްޕާއަކާއި ވެލްނަސް ސެންޓަރު ހުންނާނެ
- އަރަބި އަދި ޖަޕާނުގެ ރަހަތަކަށް ހާއްސަ ރެސްޓޯރަންޓްތަކެއް ހުންނާނެ
- ޑައިވިން ސެންޓަރަކާއި މޫދު ކުޅިވަރުގެ ވަސީލަތްތައް
- ޕޫލްތަކާއި ފިޓްނަސް ސެންޓަރުތައް ހިމެނޭ
ސަމާނާ ޑިވެލޮޕާސްގެ ސީއީއޯ އިމްރާން ފާރޫގު ވިދާޅުވީ މިއީ ކުންފުނި ތަރައްގީ ކުރުމުގެ ސްޓްރެޓެޖިކް ދުރުވިސްނުމުގެ ދަށުން ހިންގާ މަޝްރޫއެއް ކަމަށާ މިއި އެ ކުންފުނި މިހާރު ދުބާއީގެ އެންމެ ބޮޑު ހަތް ވަނައަށް ޑިވެލޮޕަރުންގެ ތެރޭގައި ހިމެނިފައިވާ ކަމަށެވެ.
ސަމާނާ ކުންފުނިން ވަނީ 600 މިލިއަން ޑޮލަރުގެ ބިޔަ މި މަޝްރޫއު ނިންމައި 2029 ގައި ރިސޯޓް ހުޅުވުމަށެވެ.
ކޮމެންޓް
Republic of Maldives