އަލިފާނުގެ ހާދިސާގައި ގެއްލުންވި 22 މީހަކަށް ވަގުތީ ބޯހިޔާވަހިކަން

ރޭ ފަތިހު 4:20 ހާއިރު ހިނގި މި އަލިފާނުގެ ހާދިސާގައި އެ ގުދަން ވަނީ ބޭނުން ނުކުރެވޭ ވަރަށް އަނދާ ހުލިވެފަ އެވެ. އެތަނަކީ ޓިނުންނާއި ދަގަނޑު ހަދާފައި ހުރި ތަނެކެވެ. އަލިފާންގަނޑު އެއްކޮށް ނިންމާލާފައި ވަނީ ހެނދުނު 6:00 ހާއިރު އެވެ.

ރޭ ފަތިހު އަލިފާން ރޯވި ގުދަން: މި ހާދިސާއާ ގުޅިގެން 22 މީހުންނަށް ވަގުތީ ބޯހިޔާވަހިކަން ވަނީ ހަމަޖައްސައިދީފައި --

މާލޭގައި ހުންނަ "ފްރުޓް ޓްރީ އެޕަލް" ގުދަނުގައި ރޭ ފަތިހު ހިނގި އަލިފާނުގެ ހާދިސާގެ ސަބަބުން ގެއްލުންވި ގެތަކުން 22 މީހަކަށް ވަގުތީ ބޯހިޔާވަހިކަން ހަމަޖައްސައިދީފައިވާ ކަމަށް މޯލްޑިވްސް ޑިޒާސްޓާ މެނޭޖްމެންޓް (އެންޑީއެމްއޭ) އިން ބުނެފި އެވެ.

ރޭ ފަތިހު 4:20 ހާއިރު ހިނގި މި އަލިފާނުގެ ހާދިސާގައި އެ ގުދަން ވަނީ ބޭނުން ނުކުރެވޭ ވަރަށް އަނދާ ހުލިވެފަ އެވެ. އެތަނަކީ ޓިނުންނާއި ދަގަނޑު ހަދާފައި ހުރި ތަނެކެވެ. އަލިފާންގަނޑު އެއްކޮށް ނިންމާލާފައި ވަނީ ހެނދުނު 6:00 ހާއިރު އެވެ.

މި ހާދިސާގެ ސަބަބުން އެ ސަރަހައްދުގައި ވަނީ ވަރަށް ބޮޑަށް ދުމުގެ އަސަރު ކޮށްފަ އެވެ. އެންޑީއެމްއޭ އިން ބުނީ އަލިފާނުގެ ހާދިސާގައި ދުމުގެ ސަބަބުންނާއި އިމާރާތައް ލިބުނު ގެއްލުންތަކުގެ ސަބަބުން ވަގުތީ ބޯހިޔާވަހިކަން ބޭނުންވާ 10 ގޭބީސީއެއްގެ 33 ފަރާތެއް ފާހަގަކުރެވުނު ކަމަށެވެ. އޭގެ ތެރޭގައި ހިމެނެނީ 14 ދިވެހިން އަދި 19 ބިދޭސީންނެވެ.

އެންޑީއެމްއޭ އިން ވަގުތީ ބޯހިޔާވަހިކަން ހަމަޖައްސައިދީފައި ވަނީ ވަނީ މީގެ ތެރެއިން ފަސް ގޭބިސީއެއްގެ 14 ދިވެހިންނާއި އަށް ބިދޭސީންނަށެވެ. އެ މީހުންނަށް ކެއިންބުއިމުގެ ކަންކަން ވެސް ހަމަޖައްސައިދެމުން ދަނީ އެ އިދާރާއިންނެވެ.

އެންޑީއެމްއޭ އިން ބުނީ ބިދޭސީ އެއް އާއިލާ އަމިއްލަ ވަގުތީ ބޯހިޔާވަހިކަމަށް ބަދަލުވެފައިވާ ކަމަށެވެ. އަދި 11 ބިދޭސީއަކަށް އެ މީހުން ނިސްބަތްވާ ކުންފުނިން އެހީތެރިކަން ފޯރުކޮށްދީފައިވާ ކަމަށެވެ.

މިހާދިސާގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށް އެމްއެންޑީއެފް އިން ވަނީ ބުނެފަ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.