މާލޭގައި ހުރި ގުދަނެއްގައި ރޯވެ، އަނދާ އަޅިއަށް

މާލޭގައި ހުރި ގުދަނެއްގައި ރޭ ފަތިހު ރޯވެ، ބޭނުން ނުކުރެވޭ ވަރަށް އަނދާ އަޅިއަށް ވެއްޖެ އެވެ.

ފަތިހު 4:20 ހާއިރު އަލިފާން ރޯވެފައި ވަނީ "ފުރުޓް ޓްރީ އެޕަލް" ފިހާރައިގެ ގުދަނުގަ އެވެ. މި ހާދިސާގެ ރިޕޯޓް ލިބުމާއެކު އެމްއެންޑީއެފްގެ ފަޔާފައިޓަރުން ވަނީ އަލިފާންގަނޑު ނިއްވާލުމަށް މަސައްކަތް ކޮށްފަ އެވެ.

އެމްއެންޑީއެފް އިން ބުނީ މި އަލިފާންގަނޑު ކޮންޓްރޯލް ކުރެވުނީ 5:27 ހާއިރު ކަމަށެވެ. މި އަލިފާންގަނޑު އެއްކޮށް ނިއްވާލާފައި ވަނީ ހެނދުނު 6:00 ހާއިރު އެވެ. 

"މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވާ އިރު، އަލިފާން ރޯވި ގުދަން ވަނީ ބޭނުން ނުކުރެވޭ ވަރަށް އަނދާފަ،" އެމްއެންޑީއެފް އިން ބުންޏެވެ.

އަލިފާން ރޯވެ އަނދާފައިވާ ތަނަކީ ދަގަނޑާއި ޓިނުން ހަދާފައި ހުރި ދެބުރި ތަނެކެވެ. އެތަން އެއްކޮށް ވަނީ ބިމާ ހަމަވެފަ އެވެ.