ރާއްޖޭގައި ފާލުބެލުމުގެ ހިދުމަތް ދޭން އުޅުނު އިންޑިއާ މީހުން ހިފަހައްޓައިފި
އިމިގްރޭޝަނުން މިއަދު ބުނީ މި ތިން މީހުން ޑިޓެންޝަން ސެންޓަރަށް ގެނެސްފައި ވަނީ އިއްޔެ ކަމަށެވެ. ފުލުހުންނާ ގުޅިގެން އެމީހުން ޑީޕޯޓް ކޮށްލުމުގެ މަސައްކަތް ކުރަމުންދާ ކަމަށް ވެސް ބުންޏެވެ.
ރާއްޖޭގައި ފާލުބެލުމާއި ރޫހާނީ ފަރުވާގެ ހިދުމަތް ދޭނެ ކަމަށް ބުނެ ސޯޝަލް މީޑިއާގައި އިޝްތިހާރު ކުރަމުން ދިޔަ އިންޑިއާ ތިން މީހުން އިމިގްރޭޝަނުގެ ބެލުމުގެ ދަށަށް ގެންގޮސްފި އެވެ.
އިމިގްރޭޝަނުން މިއަދު ބުނީ މި ތިން މީހުން ޑިޓެންޝަން ސެންޓަރަށް ގެނެސްފައި ވަނީ އިއްޔެ ކަމަށެވެ. ފުލުހުންނާ ގުޅިގެން އެމީހުން ޑީޕޯޓް ކޮށްލުމުގެ މަސައްކަތް ކުރަމުންދާ ކަމަށް ވެސް ބުންޏެވެ.
އިމިގްރޭޝަނުން ވަނީ ހައްޔަރު ކުރިން ތިން މީހުން ފޮޓޯ އަދި ވަނަވަރު ވެސް އާންމުކޮށްފަ އެވެ.
މި އިޝްތިހާރުތައް ޖަހާފައި ވަނީ "މާސްޓާ ދުރްގާ ރާއޯ ގުރުޖީ" ނަމަކަށް ކިޔާ ހިންދޫ ޕޭޖަކުންނެވެ. މައުލޫމާތު ލިބޭ ގޮތުގައި މި ހިދުމަތް ދެނީ އެނަން ކިޔާ ފާދިރީ އެކެވެ.
އެ ޕޭޖުގައި ކޮށްފައިވާ ޕޯސްޓުތަކުގައި، އަތް ބެލުމާއި، ފޭސް ރީޑިން އާއި ރޫހާނީ ފަރުވާގެ ހިދުމަތް ރާއްޖޭން ލިބެމުންދާނެ ކަމަށް އިޝްތިހާރުކޮށްފައިވެ އެވެ. މި ނޫންވެސް ދިމާވަމުންދާ އިތުރު އުނދަގޫތަކަށް ފަރުވާ ދޭނެ ކަމަށް ބުނެ ރާއްޖޭގެ ނަންބަރެއް ވެސް ހިއްސާކޮށްފައިވެ އެވެ.
މި ކަން ފުލުހުންގެ ސަމާލުކަމަށް އައުމާއެކު، މައްސަލަ ތަހުގީގު ކުރަމުންދާ ކަމަށް ފުލުހުން ވެސް ވަނީ ބުނެފަ އެވެ.
ކޮމެންޓް
Republic of Maldives