އެއާ އެމްބިއުލާންސްގައި 800 އަށްވުރެ ގިނަ ބަލި މީހުން އުފުލައިފި
މި ފަރާތްތައް އުފުލުމަށް ޖުމްލަ 700 ދަތުރު، އެއާ އެމްބިއުލާންސް ކޮށްފައިވާ ކަމަށް މިނިސްޓްރީން ވަނީ ބުނެފަ އެވެ.
މި ސަރުކާރުން ރާއްޖޭގައި އަލަށް ތައާރަފްކުރި އެއާ އެމްބިއުލާންސުން މިހާތަނަށް 804 ބަލި މީހުން އުފުލާފައިވާ ކަމަށް ހެލްތު މިނިސްތްރީން ބުނެފި އެވެ.
ރާއްޖޭގައި މުޅީން އަލަށް އެއާ އެމްބިއުލާންސް ތައާރަފް ކޮށްފައި ވަނީ މާޗް 1، 2024 ގައެވެ. ހެލްތު މިނިސްޓްރީން މިއަދު ބުނި ގޮތުގައި 804 ބަލި މީހުން އުފުލާފައި ވަނީ އެ ތާރީހުން ފެށިގެން މިއަދާ ހަމައަށެވެ.
މި ފަރާތްތައް އުފުލުމަށް ޖުމްލަ 700 ދަތުރު، އެއާ އެމްބިއުލާންސް ކޮށްފައިވާ ކަމަށް މިނިސްޓްރީން ވަނީ ބުނެފަ އެވެ.
ރައީސް ޑރ. މުހައްމަދު މުއިއްޒުގެ ރިޔާސީ ވައުދުގައި ހިމެނޭ ރާއްޖޭގައި އެއާ އެމްބިއުލާންސުގެ ހިދުމަތް ފެށުމުގެ ގޮތުން ބަލި މީހުން އުފުލުމުގެ ހިދުމަތް ދެނީ ޑޭޝް 8 މަރުކާގެ ބޯޓެއް ބަލި މީހުން އުފުލޭ ގޮތަށް މޮޑިފައިކޮށްގެންނެވެ. މި ބޯޓުން އެއްފަހަރާ ދެ މީހުން އުފުލޭނެ ޖާގަ އޮވެ އެވެ.
މީގެ އިތުުރުން އެއާޕޯޓް ނެތް ރަށްރަށުން ބަލި މީހުން ގެންދަނީ ސީޕްލޭންގަ އެވެ. މި ބޯޓުވެސް ވަނީ އެކަމަށް ހާއްސަކޮށް މޮޑިފައިކޮށްފަ އެވެ.
އެއާ އެމްބިއުލާންސުގެ ހިދުމަތް ދިނުމަށްޓަކައި ހާއްސަ ޕެރެމެޑިކް ޓީމަކާއެކު 15 މީހުން ހަރަކާތްތެރިވެ އެވެ.
ރާއްޖޭގައި އެއާ އެމްބިއުލާންސްގެ ހިދުމަތް ދެމުން ދަނީ ހެލްތު މިނިސްޓްރީ އާއި އެންސްޕާ އަދި މޯލްޑިވިއަން ގުޅިގެންނެވެ.
ކޮމެންޓް
Republic of Maldives