ރާއްޖެ އައިޓީބީގެ ތައްޔާރީތައް | ރީތި މަންޒަރުތަކާއެކު ޖަރުމަނުގެ މަގުތަކަށް ކާރުތަކެއް

ރާއްޖޭގެ ރީތި މަންޒަރުތަކުގެ ފޮޓޯތަކާއެކު ޖަރުމަނުގައި ރާއްޖެ އިސްތިހާރު ކުރުމުގެ ހަރަކާތްތަކެއް އެމްއެމްޕީއާރުސީ އިން ފަށައިފި އެވެ. 

ދައުލަތުގެ މާކެޓިން ކުންފުނި އެމްއެމްޕީއާރުސީއިން ބުނީ މާކެޓިން މި ކެމްޕޭންތަކަކީ މިއަހަރު ޖަރުމުގައި އޮންނަ އައިޓީބީ ފެއާއަށް ތައްޔާރު ވުމުގެ ގޮތުން ކުރިއަށް ގެންދާ ހަރަކާތެކެވެ. މި ހަރަކާތުގެ ދަށުން ފެއާ އޮންނަ ބާލިންގައި ދުއްވާ 200 ޓެކްސީގައި ރާއްޖޭގެ ރީތި މަންޒަރުތައް ފެންނަ ފޮޓޯތަކެއް ޖަހާފައިވެ އެވެ. 

މި ކެމްޕޭން ކުރިއަށް ގެންދާނީ މާރިޗު މަހުގެ ނިޔަލަށެވެ. އައިޓީބީ ފެއާ އޮންނާނީ އެ މަހު އެވެ. އައިޓީބީ ފެއާއަށް 600،000 އަށް ވުރެ ގިނަ މީހުން ޒިޔާރަތް ކުރާނެ ކަމަށް ބެލެވޭއިރު މި އިސްތިހާރުތަކުގެ ސަބަބުން ރާއްޖޭގެ ނަން ގިނަ ބައެއްގެ ލޮލުގައި އަޅައި ގަންނާނެ އެވެ.

ޓެކްސީތަކުގެ އިތުރުން މި ކެމްޕޭންގައި ބާލިނޭލްގައި ފާހަގަކޮށްލެވޭ ބިލްބޯޑްތަކެއް ހިމެނޭއިރު، މި ބޮޑު ސަގާފީ އިވެންޓަށް ފިލްމަށް ލޯބިކުރާ ފަރާތްތަކަށާއި ބައިނަލްއަގްވާމީ ޒިޔާރަތްތެރިންނަށް އަމާޒުކޮށްފައިވެ އެވެ. މި އައުޓްޑޯ ކެމްޕޭނަކީ ބްރޭންޑް ވިޒިބިލިޓީ ވަރަށް ބޮޑަށް އިތުރުކޮށް، ޖަރުމަނުގެ ފަތުރުވެރިންނަށް ރާއްޖޭގެ ޝައުގުވެރިކަން އިތުރަށް މަތިކުރުމަށް ފަރުމާކޮށްފައިވާ ކެމްޕޭނެކެވެ. އެއީ ބާލިންގައި އެމްއެމްޕީއާރުސީއިން ކުރާ ޕްރޮމޯޝަނަލް ހަރަކާތްތަކުގެ ތާރީހީ މައިލްސްޓޯނެކެވެ.

މި ކެމްޕޭން އިތުރުން އައިޓީބީ ބާލިންގައި އެކިއެކި ހަރަކާތްތަކުގެ ތެރެއިން އެމްއެމްޕީއާރުސީ އިން ޓްރެވަލް ޓްރޭޑާއި މީޑިއާއާ ގުޅިގެން ވެސް މާކެޓިން ހަރަކާތްތަކެއް ހިންގާނެ އެވެ. މީގެ އިތުރުން މި ސިނާއަތާ ގުޅޭ މައުލޫމާތު ދިނުމަށް ސެމިނާތަކާއި ޕެނަލް ޑިސްކަޝަންތަކުގެ އިތުރުން މީޑިއާ އާއި ނޫސްވެރިންނަށް ހާއްސަ އިވެންޓެއް ކަމަށްވާ އައިއެމްއެމް ޖަރުމަނުގައި ބައިވެރިވުން ވެސް ހިމެނެ އެވެ. މީގެ އިތުރުން އައިޓީބީ ބާލިންގައި ނެޓްވޯކިން ހަވީރެއް ބޭއްވުމުގެ ޕްލޭންތައް ކުރިއަށްދާއިރު، އޭޕްރީލް މަހުގެ ފަހުކޮޅު ދުބާއީގައި ބާއްވާ އަރަބިއަން ޓްރެވަލް މާކެޓް (އޭޓީއެމް) ގައި ވެސް މޯލްޑިވިއަން ނައިޓެއް ވެސް އޮންނާނެ އެވެ. މިއީ ކުރިން ޖަރުމަނުގެ އައިޓީބީ ފެއާގައި އޮންނަ ޑިނާ ނައިޓެކެވެ. 

ޖަރުމަނުވިލާތަކީ ރާއްޖެއަށް އެންމެ ގިނައިން ޓޫރިސްޓުން އަންނަ އެއް ގައުމެވެ. ޖަރުމަނުން މިދިޔަ އަހަރު 143,074 އަށްވުރު ގިނަ ޓޫރިސްޓުން އައިސްފައިވެ އެވެ.