ނުކުޅެދުންތެރިކަން ހުންނަ ކުއްޖަކަށް އަނިޔާކުރި ޓީޗަރު ހައްޔަރުކޮށް، ދޫކޮށްލައިފި
ފުލުހުން ބުނެފައިވަނީ މިމައްސަލައިގެ ތުހުމަތުގައި ޖަނަވަރީ މަހުގެ 15 ވަނަ ދުވަހު މީހަކު ހައްޔަރުކޮށްފައި ވާކަމަށާއި އެމީހާގެ ބަންދާމެދު ގޮތެއް ނިންމުމަށް ކޯޓަށް ގެންދިއުމުން ޝަރުތުތަކެއް ކުރުމަށްފަހު ދޫކޮށްލާފައިވާ ކަމަށެވެ.
ނުކުޅެދުންތެރިކަން ހުންނަ ކުއްޖަކަށް އަނިޔާކުރި މައްސަލައިގައި ޓީޗަރު ހައްޔަރު ކުރި ނަމަވެސް ޝަރުތުތަކަކާއެކު ކްރިމިނަލް ކޯޓުން ދޫކޮށްލައިފި އެވެ.
ފުލުހުން މިއަދު ބުނީ މިމައްސަލައިގެ ތުހުމަތުގައި މިމަހުގެ 15 ވަނަ ދުވަހު މީހަކު ހައްޔަރުކޮށްފައި ވާކަމަށެވެ. ނަމަވެސް އެމީހާގެ ބަންދާމެދު ގޮތެއް ނިންމުމަށް ކޯޓަށް ގެންދިއުމުން ޝަރުތުތަކެއް ކުރުމަށްފަހު ދޫކޮށްލާފައިވާ ކަމަށެވެ.
އަދި ކަމާގުޅުންހުރި ފަރާތްތަކާއި ގުޅިގެން މިމައްސަލަ ތަހުގީގުކުރަމުން އަންނަ ކަމަށްވެސް ފުލުހުން ބުނެފައިވެ އެވެ.
މިމައްސަލައާޢި ގުޅިގެން ތައުލީމާބެހޭ ވަޒީރު ޑރ އިސްމާއީލް ޝަފީއު ވަނީ ކަންބޮޑުވުން ފާޅުކުރެއްވުމާއެކު، ދަރިވަރުންނަށް މިފަދަ އަނިޔާ ދިނުމަކީ ބަލައިގަންނާނެ ކަމެއް ނޫންކަމަށް ވިދާޅުވެފަ އެވެ. ވަޒީރު އިތުރަށް ވިދާޅުވެފައިވަނީ މި ފަދަ މައްސަލަތައް މިނިސްޓްރީގެ ފަރާތުން ޒިންމާދާރުކަމާއެކު ކަމާބެހޭ ފަރާތްތަކަށް ހުށަހަޅައި ތަކުރާރު ނުވާނޭހެން ފިޔަވަޅު އަޅަމުންގެންދާނެ ކަމަށެވެ.
އަދި ޒިންމާދާރުކަމާއެކު ދަރިވަރުންގެ ހައްގުތައް ހިމާޔަތްކޮށް، އުފާވެރި އަމާން މާހައުލެއްގައި ދަރިވަރުން ތައުލީމު ހާސިލްކުރުމަށް ޓީޗަރުން ހާއްސަ ސަމާލުކަމެއް ދެއްވުމަށް ވެސް ވަޒީރު އެދިވަޑައިގެންފައި ވެއެވެ.
ކޮމެންޓް
Republic of Maldives