މިދިޔަ އަހަރު ފެމެލީ ކޯޓު މެދުވެރިކޮށް 97 މިލިއަން ނަގައިދިން

މި ފައިސާ ނަގައިދީފައި ވަނީ އަނބިދަރިންގެ ހަރަދާއި، އިއްދައިގެ ހަރަދާއި، ވިހެއުމުގެ ހަރަދުގެ އިތުރުން ކައިވެނީގެ ރަނާ ބެހޭ މައްސަލަތަކުންނެވެ.

ފެމެލީ ކޯޓްގެ ބޭރުގެ ބަޔަކު މަޑުކޮށްލައިގެން

މިދިޔަ އަހަރު ފެމެލީ ކޯޓު މެދުވެރިކޮށް އެކި މައްސަލަތަކުގައި 97 މިލިއަން ރުފިޔާ ނަގައިދީފައިވާ ކަމަށް ތަފާސްހިސާބުތަކުން ދައްކައިފި އެވެ.

ފެމެލީ ކޯޓުން އާންމުކޮށްފައިވާ އެކޯޓުގެ މިދިޔަ އަހަރުގެ ބައެއް ތަފާސްހިސާބުތަކުން ދައްކާ ގޮތުގައި ކޯޓު މެދުވެރިކޮށް ސާބިތު ކޮށްދެވުނު ހަރަދުގެ ގޮތުގައި 97.1 މިލިއަން ރުފިޔާ ނަގައިދީފައިވެ އެވެ. މި ފައިސާ ނަގައިދީފައި ވަނީ އަނބިދަރިންގެ ހަރަދާއި، އިއްދައިގެ ހަރަދާއި، ވިހެއުމުގެ ހަރަދުގެ އިތުރުން ކައިވެނީގެ ރަނާ ބެހޭ މައްސަލަތަކުންނެވެ.

ކޯޓުން ބަލަމުންދާ އެކިއެކި ގަޒިއްޔަތާކާ ގުޅިގެން 46.7 މިލިއަން ރުފިޔާ މިދިޔަ އަހަރު އެ ކޯޓުން ވަނީ ބަލައިގެންފަ އެވެ. އަދި 2023 ވަނަ އަހަރު ރައްދު ނުކުރެވި ހުރި ފައިސާ ހިމެނޭހެން 47.5 މައްސަލަތަކުގައި ހިމެނޭ ފަރާތްތަކަށް ރައްދު ކޮށްދީފައިވެ އެވެ.

ތަފާސްހިސާބުތަކުން އިތުރަށް އެނގޭ ގޮތުގައި، މިދިޔަ އަހަރު އެކޯޓުން 2485 ކައިވެނި ކޮށްދީފައިވެ އެވެ. އަދި 1326 ވަރި ސާބިތުކޮށްދީފައިވެ އެވެ. އަދި 163 ބިދޭސީ ކައިވެނި ވެސް ކޮށްދީފައިވެ އެވެ.

އޭގެ އިތުރުން ގެވެށި އަނިޔާއިން ރައްކާތެރިވުމާއި ކުޑަކުދިންގެ ހައްގުތަކާ ގުޅޭ އަމުރުތައް ހިމެނޭހެން ޖުމްލަ 117 އަމުރު ނެރެފައިވާ ކަމަށް ވެސް ތަފާސްހިސާބުތަކުން ދައްކަ އެވެ.

މީގެ އިތުރުން؛

  •  ކޯޓަށް ހާޒިރުވުމަށް އަންގާ 12،096 އަމުރު ނެރުނު
  •  އާއިލީ މައްސަލަތައް ހައްލުކުރުމާ ބެހޭ ބަޔަށް 227 މައްސަލަ ހުށަހެޅުނު
  •  ދެމަފިރިން މައްސަލަތައް ހައްލުކުރުމަށާއި ވަރިވެފައިވާ ދެމީހުންގެ ދަރިންބެލުމާ ގުޅޭގޮތުން ހަ އެއްބަސްވުން ހެދި
  •  ޖުމްލަ 4101 ޝަރީއަތުގެ އަޑުއެހުން ބޭއްވި

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.