ބޮލީވުޑްގެ ފިލްމީ ތަރި ސައިފަށް ވަޅިން ހަމަލާދީ ޒަހަމްކޮށްލައިފި
ސައިފަށް ހަމަލާ ދީފައިވަނީ އޭނާ މުންބާއީގައި ދިރިއުޅޭ އެޕާޓްމަންޓުގައި އުޅެނިކޮށް ރޭގެ ދަންވަރުގެ ވަގުތެއްގަ އެވެ. މިހާރު އޭނާއަށް ދަނީ ހޮސްޕިޓަލްގައި ފަރުވާދެމުންނެވެ.
ބޮލީވުޑްގެ ފިލްމީ ތަރި ސައިފް އަލީ ހާން ގޭގައި އުޅެނިކޮށް މީހަކު ވަދެ ވަޅިން ހަމަލާ ދީ ޒަހަމްކޮށްލައިފި އެވެ.
ފައިސާއަށް މީހުން މަރާ ގޭންގްތަކުގެ ނުރައްކާ ބޮޑުވެފައިވާ ބޮލީވުޑްގެ އެންމެ މަތީ ފަންތީގެ ތަރި ސައިފަށް ހަމަލާ ދީފައިވަނީ ރޭގެ ވަގުތެއްގައި އޭނާ ދިރިއުޅޭ ސަދުގުރޫ ޝަރަން އެޕާޓްމަންޓުގައި އުޅެނިކޮށެވެ.
ސައިފް އަށް ދިން ހަމަލާގެ ސަބަބުން އޭނާ ޒަހަމްވި ނަމަވެސް ފުރާނަ އަށް ނުރައްކާވާ ވަރުގެ ގެއްލުމެއް ނުލިބެ އެވެ. މިވަގުތު ސައިފް މުންބާއީގެ ލިލަވަޓީ ހޮސްޕިޓަލުން ފަރުވާ ހޯދަމުންދާއިރު، އޭނާ އަށް ލިބުނު ޒަހަމްތަކަށް ފަރުވާދޭން އޮޕަރޭޝަންތަކެއް ވަނީ ކޮށްފަ އެވެ. މިވަގުތު ސައިފްގެ ހާލަތު ސްޓޭބަލް ކަމަށް ޑޮކްޓަރުންނާ ހަވާލާދީ އިންޑިއާގެ ނޫސްތަކުން ރިޕޯޓްކޮށްފައިވެ އެވެ.
މުންބާއީގެ ފުލުހުން ބުނެފައިވާ ގޮތުގައި ސައިފްއަށް ހަމަލާ ދިން މީހާއަކީ ކާކުކަން ވަނީ ދެނެގަނެވިފަ އެވެ. އާއްމުވެފައިވާ ސީސީޓީވީ ފުޓޭޖަޖުން ފެންނަ ގޮތުގައި ސައިފްއަށް ހަމަލާދިން މީހާ އެގެއަށް ވަދެފައިވަނީ ގޭގެ ވަލުދޮރޯށިންނެވެ.
މުންބާއީ ފުލުހުންގެ ސީޕީ ޑިކްސިޓް ގެޑަމް ވިދާޅުވެފައިވާ ގޮތުގައި ތަހުގީގުން އެނގުނު ގޮތުގައި ތުހުމަތު ކުރެވޭ މީހާ ސައިފްގެ ގެއަށް ވަދެފައިވަނީ ވައްކަން ކުރުމުގެ ނިޔަތުގަ އެވެ. އަދި ތުހުމަތު ކުރެވޭ އެއް މީހަކު ދެނެގަނެ، އޭނާ ހިފެހެއްޓުމަށް ފުލުހުން މަސައްކަތް ފަށާފައިވާ ކަމަށް ވެސް އޭނާ ވިދާޅުވި އެވެ.
ކޮމެންޓް
Republic of Maldives