ޕާޓީތަކަށް މީހުން ވައްދާ ޕޯޓަލް ބޭނުން ކުރުން ހުއްޓާލަނީ
މިގޮތަށް ނިންމި ނަމަވެސް "މައި ޕޯޓަލް" މެދުވެރިކޮށް ޕާޓީން ވަކުވުމުގެ ހިދުމަތް މެދުނުކެނޑި ކުރިއަށް ދާނެ ކަމަށް ވެސް އީސީން ބުންޏެވެ.
ސިޔާސީ ޕާޓީތަކަށް މީހުން ވައްދާ ޕޯޓަލް "ސިމެދަ" ބޭނުން ކުރުން ހުއްޓާލަން އިލެކްޝަން ކޮމިޝަން (އީސީ) އިން ނިންމައިފި އެވެ.
އީސީ އިން މިރޭ ކުރި އިއުލާނެއްގައި ބުނީ މިމަހުގެ 31 ވަނަ ދުވަހުން ފެށިގެން ސިޔާސީ ޕާޓީތަކަށް މެންބަރުން ވެއްދުމުގެ ނިޒާމު ހަރުދަނާކޮށް ޑިޖިޓަލް ނިޒާމަކަށް ބަދަލުކުރުމަށް މިހާރު ބޭނުންކުރަމުން އަންނަ "ސިމެދަ" ޕޯޓަލް މެދުވެރިކޮށް ފޯމަ ހުށަހެޅުން ހުއްޓާލަން ނިންމާފައިވާ ކަމަށެވެ.
މިގޮތަށް ނިންމި ނަމަވެސް "މައި ޕޯޓަލް" މެދުވެރިކޮށް ޕާޓީން ވަކުވުމުގެ ހިދުމަތް މެދުނުކެނޑި ކުރިއަށް ދާނެ ކަމަށް ވެސް އީސީން ބުންޏެވެ.
ޕާޓިތަކަށް މެންބަރުން ވައްދާ ޕޯޓަލް ބޭނުން ކުރުން ހުއްޓާލަން އީސީން ނިންމާފައި މިވަނީ، ޕީޕަލްސް ނޭޝަނަލް ކޮންގްރެސް (ޕީއެންސީ) އަށް މީހުން ވައްދަން ސައްހަ ނޫން ފޯމުތަކެއް ހުށަހަޅާފައިވާ މައްސަލަ ފެންމަތިވެފައި ވަނިކޮށެވެ. މި މައްސަލަ ފެންމަތިވެފައި ވަނީ ވައިކަރަދޫ ދާއިރާގެ އެމްޑީޕީ މެންބަރު ހުސެއިން ޒިޔާދު އެ ޕާޓީއަށް ވައްދާފައި އޮތުމުންނެވެ.
އޭގެ އިތުރުން ވެސް އެމްޑީޕީއަށް ނިސްބަތްވާ އާންމު މެންބަރުންނާއި އެއްވެސް ޕާޓީއަކަށް ސޮއިކޮށްފައި ނުވާ އެތައް ބަޔެއްގެ ނަމުގައި ވަނީ ސައްހަ ނޫން ފޯމު ހުށަހަޅާފަ އެވެ. މި މައްސަލަ އީސީން ބަލަމުންދާއިރު ޕީއެންސީން ވެސް ބަލަމުންދާ ކަމަށް އެޕާޓީން ވަނީ ބުނެފަ އެވެ.
ކޮމެންޓް
Republic of Maldives