ސްޓެލްކޯގެ ސްޓާފަކަށް ހަމަލާދިން ޓްރާންސްފޯމަރު ވަގުގެ ވަނަވަރު އާންމުކޮށްފި
ވައްކަންކުރަން ވަދެ އޮއްވައި ސްޓެލްކޯ މުވައްޒަފުން ވަނީ އޭނާ އަތުލައިގެންފަ އެވެ. އޭނާ ހުއްޓުވުމުން އެތަނުން އެއް މުވައްޒަފަކަށް ހަމަލާދީ، ޒަހަމްކޮށްލާފައިވެ އެވެ. މުވައްޒަފަށް ހަމަލާދީފައި ވަނީ ރެންޗަކުންނެވެ.
ހުޅުމާލެ ދެވަނަ ފިޔަަވަހި ހިޔާ އަވަށުގައި ހުރި ޓްރާންސްފޯމަރުތަކުން ވައްކަން ކުރަން އުޅެނިކޮށް ސްޓެލްކޯ މުވައްޒަފުން ހިފައި ފުލުހުންނާ ހަވާލުކުރި މީހާގެ ވަނަވަރު އާންމުކޮށްފި އެވެ.
މި މައްސަލައިގައި ފުލުހުން ހައްޔަރު ކޮށްފައި ވަނީ އުމުރުން 37 އަހަރުގެ ށ. ބިލެއްފަހި، ޗަނބޭލީގެ، އިބްރާހިމް ޒާލިފް ކިޔާ މީހެކެވެ. އޭނާ ހައްޔަރު ކޮށްފައި ވަނީ ހުޅުމާލެ ދެވަނަ ފިޔަވަހީގެ ރީތިގަސްމަގު ބްރިޖް ކައިރީ ހުރި ސްޓެލްކޯ ޓްރާންސްފޯމަރަކަށް ގެއްލުންދީ، ވައްކަން ކުރަން އުޅެނިކޮށެވެ.
ވައްކަންކުރަން ވަދެ އޮއްވައި ސްޓެލްކޯ މުވައްޒަފުން ވަނީ އޭނާ އަތުލައިގެންފަ އެވެ. އޭނާ ހުއްޓުވުމުން އެތަނުން އެއް މުވައްޒަފަކަށް ހަމަލާދީ، ޒަހަމްކޮށްލާފައިވެ އެވެ. މުވައްޒަފަށް ހަމަލާދީފައި ވަނީ ރެންޗަކުންނެވެ.
ސްޓެލްކޯ އިން ރޭ ވަނީ ޒަހަމްވި މުވައްޒަފުގެ ފޮޓޯއެއް މީޑިއާތަކަށް ހިއްސާކޮށްފަ އެވެ. އެ ފޮޓޯއިން ފެންނަ ގޮތުން މުވައްޒަފުގެ މޫނު މައްޗަށް ޒަހަމްތަކެއް ލިބިފައިވެ އެވެ.
މި ޓްރާންސްފޯމަރަށް ގެއްލުންދިނުމާއި ގުޅިގެން ހުޅުމާލޭ ދެވަނަ ފިޔަވަހީގެ އެމްޕީއެލް ޓަވަރުތަކުން ކަރަންޓުގެ ހިދުމަތް މެދުކެނޑިފައިވެ އެވެ. ފަހުން ވަނީ މައްސަލަ ހައްލުކޮށް ކަރަންޓު ދީފަ އެވެ.
ފުލުހުން ބުނީ އެ މައްސަލަ ތަހުގީގު ކުރަމުންދާ ކަމަށެވެ.
ކޮމެންޓް
Republic of Maldives